Bonnie dhe Clyde u bënë të famshëm gjatë periudhës së njohur si Depresioni i Madh për një seri grabitjesh të dhunshme bankash, para se të vriteshin në një pritë të ngritur nga policia në Luiziana më 23 maj 1934.
Bonnie dhe Clyde, çifti i dashuruar, u zu në pritë nga oficerët e policisë në dalje të Gibsland-it, Luiziana. Të bllokuar në makinën e tyre, ata u bënë objekt sulmi i një breshërie plumbash, pas harbimit së tyre 21-mujor duke vjedhur pika karburanti, restorante, banka, dhe duke vrarë disa njerëz.
Bonnie Parker dhe Clyde Barroë, kishin tendencën të vrisnin këdo që fuste hundët në punën e tyre. Në janarin e vitit 1934, ata organizuan një arratisje nga burgu i Teksasit, që rezultoi me vdekjen e dy rojeve. Tre muaj më vonë, ata vranë dy oficerë dhe rrëmbyen një shef policie. Çifti nuk u martua kurrë. Bonnie nuk kishte lidhje me botën e krimit, por sipas historianëve ajo e zgjodhi këtë rrugë për shkak të dashurisë së saj të madhe për Clyde. Historia e tyre i ngjante një filmi, dhe më vonë u realizuan disa përshtatje kinematografike.
Armët e përdorura nga gangsterët amerikanë Bonnie Parker dhe Clyde Barroë, që, janë shitur në një ankand për 504.000 dollarë. Armët ishin pjesë e ankandit të organizuar nga kompania RR Auction dhe të titulluar “Gangsterët, keqbërësit dhe ligjvënësit amerikanë”, që u zhvillua në New Hampshire. Revolveri i Bonnie Parker, tip “Colt Detective Special 38”, ishte ai që tërhoqi shumën më të madhe, 264.000 dollarë. Ndërkohë, pistoleta e Clyde Barrow, “Colt 45”, e vitit 1911, u shit për 240.000 dollarë, ndërsa ora e tij e xhepit për 36 mijë dollarë.
Kalendar
23 Maj 1430 – Heroina e Francës, Zhan D’Ark kapet nga burgundasit, teksa ishte duke udhëhequr një ushtri që po përgatiste rrethimin e një fortese që mbahej nga britanikët.
23 Maj 1915 – Lufta e Parë Botërore:Italia i bashkohet aleatëve, duke përmbushur pjesën e saj të Traktatit të fshehtë të Londrës.
23 Maj 1932 – Në Brazil, 4 studentë qëllohen për vdekje gjatë një manifestimi kundër diktatorit brazilian Getulio Vargas, çka çoi në shpërthimin e revolucionit disa javë më vonë.
23 Maj 1945 – Lufta e Dytë Botërore:Heinrich Himmler, kreu i SS nazistë, kryen vetëvrasje, ndërsa ndodhej i burgosur nga aleatët.
23 Maj 1949 – Themelohet Republika Federale e Gjermanisë (Gjermania Perëndimore).
23 Maj 2014 – Shtatë persona, përfshirë autorin, gjejnë vdekje dhe 14 të tjerë plagosen gjatë të shtënave pranë kampusit të Universitetit të Kalifornisë.
