Nëntë arsyet që do t’ju bindin të vraponi çdo ditë

113 563 lexime

124,178FansaPëlqeje

Siç thonin edhe grekët e lashtë, “nëse dëshiron të jesh i/e fortë – vrapo. Nëse dëshiron të jesh i/e bukur – vrapo. Nëse dëshiron të jesh i/e mençur – vrapo”. Siç duket, ata e kishin me të drejtë këtë thënie.

Normalisht vetëm vrapimi nuk do t’ju ndihmojë t’i lini pas të gjitha problemet tuaja dhe duhet të konsultoheni me doktorin tuaj para se të filloni përgatitjet për maratonë, transmeton Telegrafi.

Megjithatë, nëse vrapimi bëhet pjesë e rutinës tuaj ditore, atëherë ju padyshim se do t’i vëreni ndryshimet pozitive. Vrapimi është mënyrë e mirë dhe krejtësisht e lirë për të qenë në formë.

Ka shumë arsye të mira se përse duhet të filloni të vraponi, ndërsa sot do t’ju njoftojmë me nëntë arsye të cilat do t’ju bindin të vraponi që sot:

– Vrapimi e forcon zemrën, e rritë numrin e kapilarëve në trupin tuaj e gjithashtu edhe numrin e qelizave të kuqe të gjakut. Pra, zemra si muskul bëhet më e fortë.

– Kapaciteti i muskujve për të përdorur oksigjenin kur u ofrohet gjithashtu rritet. Një zemër e ushtruar mirë pompon shumë më shumë gjak sesa një zemër e pa ushtruar. Dhe kur të rritet qarkullimi i gjakut, edhe konsumimi i oksigjenit është proces më i lehtë. Pra, të gjitha indet dhe organet në trupin tuaj marrin më shumë gjak, si dhe pasurohen me oksigjen dhe vlera ushqyese.

– Vrapimi është mënyrë e mirë për lirimin e stresit. Trupi juaj akumulon shumë mbeturina nga i gjithë tensioni nervor dhe lodhja gjatë ditës. Për t’i hequr qafe ato, ju duhet të djersiteni mirë, ndërsa për këtë punë vrapimi është detyra më e mirë!

– Kur vraponi, trupi juaj liron disa hormone të quajtura endorfine. Këto hormone ndryshe njihen edhe si “hormonet e lumturisë”. Dhe kjo për një arsye të mirë: kur rritet numri i endorfineve në gjakun tuaj, ju përjetoni ndjenja të lehta të euforisë dhe depresioni zhduket!

– Me vrapim përmirësohet edhe aktiviteti mendor. Përderisa jeni të zënë duke vrapuar, truri juaj shpeshherë gjen zgjidhje kreative për probleme të caktuara, e krejt kjo falë oksigjenit i cili ndihmon trurin tuaj të funksionojë më mirë.

– Vrapimi i rregullt jua përmirëson sistemin e imunitetit duke e ngritur nivelin e qelizave të kuqe të gjakut dhe hemoglobinën në gjakun tuaj. Në të njëjtën kohë e zvogëlon nivelin e kolesterinës, e zvogëlon urinë dhe e përmirëson organizmin. Duke e kombinuar vrapimin me një përmirësim të metabolizmit, kjo do të shpie në normalizimin e peshës tuaj të trupit.

– Se në cilën kohë të ditës vraponi nuk ka rëndësi. Në mëngjes, kur nivelet e hormoneve janë më të larta se zakonisht, vrapimi do të veprojë si lirues dhe do të ndihmojë ta riktheni trupin në gjendje normale. Në anën tjetër, vrapimi pas një dite të gjatë me punë do t’ju ndihmojë të relaksoheni, të karikoheni, t’i zvogëloni ndjenjat e urisë dhe të flini si një qengj!

– Studime të shumta tregojnë se vrapimi ndihmon në rigjenerimin e pjesshëm të qelizave të mëlçisë. Jo keq, apo?

– Vrapimi i rregullt sjellë efekte pozitive edhe në sistemin tuaj muskoloskeletal. Kjo është e mirë veçanërisht për të moshuarit pasi që parandalon sëmundjet e ndryshme të nyejve.

Të fundit

“Shqipëria, shteti i 29 i BE-së”, Kos: Dështim për BE nëse ky objektiv nuk realizohet…

Një dështim për Bashkimin Europian e ka quajtur komisionerja e zgjerimit Marta Kos nëse asnjë vend kandidat nuk do...

Pse disa fëmijë mund të birësohen e disa jo? Ish drejtoresha Lenada Cadoshi tregon arsyen

Imazhi dhe rrëfimi i sinqertë i këngëtarit të njohur shqiptar Ermal Meta ka qenë kryefjalë e shumë revistave dhe portaleve të mediave prestigjioze italiane,...

Balkan Insight: Ende asnjë shpjegim zyrtar mbi fatin e emigrantëve të zhdukur në Gjadër

Një deputete italiane e opozitës po kërkon sqarime pasi 16 nga 41 migrantët e transferuar në Shqipëri dy javë më parë pretendohet se...

Lapaj: 12 majin kthejeni në ditën e shpresës, mos e bëni ditën e ‘ikjes së madhe’

Drejtuesi i koalicionit “Nisma-Shqipëria Bëhet”, Adriatik Lapaj, gjatë një takimi elektoral të zhvilluar mbrëmjen e sotme me qytetarët e Tiranës në zonën e Xhamllikut,...

Agron Shehaj: Po rritemi në sondazhe sepse jemi të vërtetë, nuk premtojmë qiqra në hell

Sipas sondazheve të fundit, Partia ‘Mundësia’ e drejtuar nga Agron Shehaj është forcë e tretë në Shqipëri, duke rrëzuar paragjykimet se partitë e reja...

Lajme të tjera

Web TV