GJKKO ka pushuar padinë e ish-kreut të PD-së, Lulzim Basha, ndaj kreut të Bashkisë Tiranë, Erion Veliaj, për shpifje.
Në seancë nuk është paraqitur as Basha dhe as avokatët e tij.
Në padi argumentohej se Veliaj, si drejtues i fushatës së Partisë Socialiste për Tiranën, ka bërë 3 akuza konkrete, duke shpifur për kundërshtarin politik, me qëllim që t’i dëmtojë imazhin Bashës.
“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është kryetar i PD-së në opozitë dhe Erion Veliaj, si drejtues i fushatës zgjedhore të PS-së për Qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS-në”, thuhej në padinë e ngritur ndaj Veliajt.
