Meta fitoi këshilltarët, Berisha humbi bashkitë

113 563 lexime

124,178FansaPëlqeje

Ish-kreu i Partisë Demokratike Sali Berisha është ndalur në takimin e përjavshëm me gazetarët edhe tek aleanca e tij me Ilir Metën, duke i dhënë rëndësi “strategjike” edhe në të ardhmen.

Nëse shihet rezultati në zgjedhjet lokale Meta duket se ka luajtur mjaft mirë politikisht, duke shfrytëzuar edhe situatën e rëndë të Berishës i cili ishte pa parti dhe logo, pasi Gjykata e Apelit ia dha PD-në zyrtare grupimit “Basha”.

Lliogaritë paszgjedhore nxjerrin fituesin e madh Ilir Metën, i cili ka më shumë këshilltarë në çdo bashki sesa “Grupi i Rithemelimit” për përfaqësuar nga Berisha. Meta i la dorë të lirë Berishës që të dilte ai me kandidatët e tij, por mëse I bindur se fitorja e bashkive do të ishte gati një mision i pamundur, ndaj i vendosi kushtin që të përfaqësohej më dendur me këshilltarët bashkiakë.

Në total, shqiptarët hodhën 1.35 milionë vota të vlefshme për këshillat e bashkive dhe zgjodhën 1613 këshilltarë. Partia Socialiste mori 580 mijë vota dhe 757 këshilltarë, pasuar nga koalicioni i opozitës kryesore Bashkë Fitojmë me 248 mijë vota dhe 292 mandate. Partia Demokratike zyrtare mori 104 mijë vota dhe 123 mandate.

Partia Socialdemokrate mori 86 mijë vota ose 6.4%, me 116 mandate për këshilltarë. Nga 292 mandete këshilltarësh të fituar nga koalicioni “Bashkë Fitojmë”, i përfaqësuar nga Sali Berisha dhe Ilir Meta, pjesa më e madhe janë përfaqësues të Partisë së Lirisë. Ndërsa Berisha “ngushëllohet” me vetëm shtatë kryebashkiakë nga 61 që ka vendi dhe ata bashki të vogla.

Loja politike e Metës në këto zgjedhje ishte e duhura për partinë e tij, megjithatë Berisha nuk e sheh si “humbje” në llogaritje brenga koalicionit, duke i dhënë rëndësi këtij bashkëpunimi edhe në të ardhmen.

 

Kujton Metën e vitit 2011

Pavarësisht kësaj situate, Berisha tha se nuk është penduar për aleancën me Ilir Metën në garën e 14 majit, duke e argumentuar me mungesën e vulës së PD-së.

“Këto zgjedhje me Ilir Metën janë të dytat. Me Ilir Metën fituam zgjedhjet e vitit 2011 dhe kryeqytetin e vendit. U fitua Tirana dhe zgjedhjet, por ky koalicion nëse e shohim në rrafshin e interesit shoqëror të demokracisë, interesit kombëtar është shumë interesant.

Në këto zgjedhje Edi Rama bëri gjithçka që të kishte opozitë vetëm atë që emëronte vetë. Të gjitha vendimet erdhën në funksion të shkatërrimit të opozitës së vërtetë dhe keqshfrytëzimit, keqpërdorimit të opozitës së emëruar. Por duhet të dini një gjë, se ky akt përbën aktin më antikombëtar e antidemokratik në historinë e një vendi. Koalicioni BF shpëtoi opozitarizmin në Shqipëri.

Lexo edhe :  Media australiane: Zbuloni Shqipërinë, perlën e fshehur të Evropës

Ky koalicion bashkoi 500 mijë idealistë, të cilët nuk shitën të drejtën e votimit”, tha Berisha. Me zgjedhje të humbura përballë Edi Ramës dhe me një revolucion të lënë pezull, Sali Berisha përsëriti këtë të premte një skenar të dëgjuar: rinisjen e protestave të qëndrueshme për të rrëzuar kryeministrin.

Sali Berisha nuk dha një përgjigje konkrete nëse do të garojë për të marrë postin e kreut të PD në mënyrë ligjore. “PD është e qartë se ku është. Sa i përket lojërave të Edi Ramës, sigurisht kanë dëmtuar por kanë dështuar. Qëllimet e tyre do të dështojnë”, tha Berisha.

Fati i Himarës

Sali Berisha ka folur në këtë komunikim me gazetarët edhe për Fredi Belerin që fitoi bashkinë e Himarës në zgjedhjet e 14 majit dhe komentoi deklaratat e tij duke thënë se bën mirë që pranon se është grek.

Të njëjtën thotë edhe për Vangjel Dulen, për të cilin u shpreh se Rama iu vërsul me urrejtje ndërsa ka bashkëpunuar me të në zgjedhjet e shkuara. “Që Fredi Beleri thotë jam grek, bën mirë se është grek.

Ne jemi vend i lirë dhe çdo njeri duhet të ketë të drejtën të tregojë identitetin e tij kombëtar. Një nga momentet që më ka mbetur në mendje ishte një debat në parlament mes Vangjel Dules dhe Edi Ramës. U përplasën për një problem, Edi Rama iu vërsul me një urrejtje të papërmbajtur si grek.

Unë i thashë ky duhet të jetë krenar me origjinën e tij, s’mund ta fyesh. Pse ja bëri? E kishte patur kushedi sa herë në koalicion dhe pse ta fyente. Vangjel Dule është grek krenar. Unë i them ji krenar me identitetin tënd. Montimi i turpshëm i Edi Ramës ndaj Belerit ishte gjëja më e turpshme”, tha Berisha.

Të fundit

Japonia në flakë/ Evakuohen banorët, mbi 5.200 hektarë pyje të djegur

Në Japoninë veriore, zjarri më i madh pyjor i tri dekadave ka shkaktuar evakuimin e mijëra personave. Rreth 2,000 njerëz...

A do të rikthehet në Big Brother Vip? Eduart Grishaj tregon nëse i mungon programi

I ftuar në podcastin e Alketa Vejsiut, Eudart Grishaj foli më shumë për karrierën e tij si regjisor si filmash ashtu dhe emisionesh të...

‘Amerika nuk do ta durojë për një kohë të gjatë’/Zelensky i kundërpërgjigjet Trump

Volodymyr Zelensky ka theksuar rëndësinë e arritjes së një paqeje të vërtetë dhe të shpejtë, pas kritikave të Donald Trump ndaj tij. Në një postim...

Aksident në Barcelonë/ Dy autobusë turistësh përplasen ‘kokë më kokë’, 50 të lënduar

Një aksident i rëndë ka ndodhur në Barcelonë, ku dy autobusë që po transportonin turistë janë përplasur me njëri-tjetrin, duke lënë rreth 50 persona...

Krimi elektoral?/ Kikia: SPAK të ndjekë paranë, besoj do shkojë te “strofulla”

Analisti Mentor Kikia, komentoi aktualitetin politik. Duke folur për Primaret në Partinë Demokratike, Kikia tha se primaret në PD janë një proces pozitiv për demokracinë....

Lajme të tjera

Web TV