Lajmi më i rëndësishëm i ditës së sotme ishte konfirmimi i largimit të Messit nga PSG. Ishte trajneri i parisienëve, Galtier që shprehej në konferencë se Messi do të luajë të shtunën ndeshjen e fundit me kampionët e Francës.
Klubi i PSG ka nxituar për të korrigjuar këtë deklaratë. “Christophe Galtier nuk u shpreh në mënyrë korrekte. Duam t’iu sigurojmë që donte të thoshte se ndeshja kundër Clermont do të jetë sfida e fundit për Messin dhe PSG-në këtë sezon” – shkruan klubi.
Gjithsesi, pavarësisht këtyre fjalëve, vera pritet të jetë e nxehtë për Messin, pasi ka mundësi reale që të largohet nga Parisi. Messi ka shënuar 16 gola këtë sezon.
