7 Plazhet më të qeta në Shqipëri, mos i humbisni

113 563 lexime

124,178FansaPëlqeje

Jo gjithmonë “i famshëm” do të thotë edhe i kërkuar. Sidomos kur vjen puna për të zgjedhur plazhin. Shpesh, sa më pak i njohur të jetë ai, sa më pak i frekuentuar e i zhurmshëm, aq më joshës për ata që pushimet i konsiderojnë si një pauzë nga jeta e vrullshme e punës dhe aktivitetit të përditshëm.

Vitet e fundit, në plazhet e rivierës shqiptare, është gjithnjë e më e vështirë të gjesh “xhepa” të qetë, që të mos jenë të tejmbushur me njerëz, apo ku të mos mbivendoset muzika e bareve. E ndërsa kjo është një situatë ideale për shumë pushues që i zgjedhin këto plazhe enkas për gjallërinë e tyre, shumë të tjerë janë në kërkim të plazheve më të qeta. Në një shkallë gati natyrale, nga veriu në jug, sa më poshtë zbret, aq më të ulëta bëhen zhurmat e njerëzve, e aq më e lartë zhaurima e detit.

Kallmi

Mund të zgjidhni si destinacion pushimesh Durrësin, por plazhin bëjeni në Kallm. Ata që e njohin dhe e frekuentojnë plazhin e Kallmit, nuk do të donin kurrë ta lexonin të përfshirë në ndonjë listë, me dëshirën për ta ruajtur nga popullariteti dhe për ta mbajtur sa më gjatë “ekskluziv”. Godinat shumëkatëshe të plazhit të durrësit nga këtu, duken vërtet të largëta.

Nat_Kallm_Durrës
Plazhi i Kallmit, foto nga Web Library

Plazhi i Gjeneralit

Legjendën e gjeneralit italian që zbuloi këtë gji të izoluar gjatë luftës dhe u dashurua me të, e kupton fare mirë kur, në pikën më të lartë të kodrave, rrugës për në Plazhin e Gjeneralit, të shpërfaqet para syve panorama që rrok gjithë gjirin. Edhe pse vitet e fundit vizitohet më shumë, Plazhi i Gjeneralit mbetet në thelb një zonë e qetë ku mund të kalohen edhe pushime të gjata.

Nat_plazhi_gjeneralit
Plazhi i Gjeneralit. Foto nga IntoAlbania

Divjaka

Falë klimës ideale dhe pranisë së Parkut Kombëtar Divjakë-Karavasta, mbuluar nga një kurorë pishash që i sigurojnë freskinë, plazhi i Divjakës, ka qënë ndër më të frekuentuarit ndër vite. Megjithatë, kjo zonë ka arritur të zhvillojë një turizëm të qëndrueshëm, falë edhe shtrirjes së madhe që lejon shpërndarjen e pushuesëve në territor, pa krijuar dyndje. Si zonë e pajisur me shërbime të shumta, e njëkohësisht destinacion i turizmit natyror, Divjaka është zgjedhje e përsosur jo vetëm për arratisjet ditore nga qyteti, por edhe për të shpenzuar pushimet verore, në freski dhe qetësi.

Lexo edhe :  Nga qiratë sociale te banesat me kosto të ulët, ndryshon programi për familjet në nevojë!
Nat_Divjaka
Divjakë, foto nga IntoAlbania

Zvëneci

Ky plazh, është pa dyshim një ndër pikat më të bukura të bregdetit të Vlorës, veçojmë këtu Gjirin e Hënës. Plazhi me rërë, e i pastër, e bën Zvërnecin të përzgjedhur si vendpushim më së shumti nga familjarët. Prania e Pyllit të Sodës në shpatulla, ia shton vlerën në ditët e nxehta. Nëse e zgjidhni, ju këshillojmë një ekskursion në ishullin e Zvërnecit dhe Manastirin e Shën Mërisë, për më shumë qetësi shpirtërore. Ajo që gjithashtu duhet mbajtur parasysh për plazhet e kësaj zone është fakti që në disa pika, korrentet nënujore i bëjnë të rrezikshme për të notuar.

Zvërnec, foto nga Web Library

Livadhi

Në një ekuilibër të mirë midis qetësisë dhe zhurmës, mundet të themi se këtu ende pushohet. Nëse ndalesh në metrat e parë pasi zbret në Livadh, gjasat janë që të të mbërrijnë tinguj muzike, shpesh herë “reggae” dhe asnjëherë fuqishëm. Por nëse orjentohesh në krahun e majtë të plazhit, drejt jugut, sa më poshtë të zbresësh, aq më të rrallë bëhen njerëzit. E gjithë kjo situatë e qetë ka edhe një fakt pozitiv, zona është e mbuluar me shërbime.

Plazhi i Livadhit, burimi: discoveralbania.a

Porto Palermo

Mund t’ju duket si kthim prapa në kohë mbërritja në plazhin e Porto Palermos, në Himarë dhe jo vetëm për shkak të dy godinave të braktisura të periudhës së komunizmit. Për një eksperiencë të plotë retró, ju sugjerojmë të paketoni drekën me vete dhe të merrni radion tuaj me bateri.

Porto Palermo. Foto nga Web Library

Buneci

Së bashku me Lukovën, në këtë zonë të bregut janë plazhet të cilave u është dëgjuar emri më pak, e për rrjedhojë, më të qetat e jugut. Edhe strukturat mikpritëse këtu janë të pakta. Nëse dëshironi që koha juaj të shënjohet nga zhurma e valëve të detit, zgjidhni Bunecin.

Të fundit

“Dua të largohem”, ylli i Real Madridit nuk duron më

Rodrygo nuk ka vend në projektin e Xabi Alonso dhe është i vetëdijshëm për këtë gjë. Braziliani ka humbur...

Musk i kërkoi Zuckerberg-ut ta ndihmonte për blerjen OpenAI

Njeriu më i pasur në botë, Elon Musk, i kërkoi drejtorit ekzekutiv të Meta, Mark Zuckerberg, të ndihmonte në financimin e një blerjeje prej...

Hamasi shpall Gazën në gjendje urie, bën thirrje për ndihmë

Organizata e Hamasit ka shpallur zyrtarisht Gazën në gjendje urie, duke bërë thirrje për hapjen pa kufizime të kalimeve kufitare në mënyrë që të...

Tërhiqet Gjermania? “Njohja e Palestinës tani nuk do ishte produktive”

Një zëdhënës i qeverisë gjermane tha të premten se Berlini nuk ka plane aktuale për të njohur një shtet palestinez, pasi kjo do të...

Donnarumma lihet në hije, Guardiola hedh sytë te një portier tjetër

Manchester City është tërhequr nga gara për portierin Donnarumma. Arsyeja është kërkesa e lartë financiare e PSG-së. Pep Guardiola shqyrton një alternativë më të lirë,...

Lajme të tjera

Web TV