Sipas një tifozi të West Ham për BBC, një grup tifozësh të Fiorentinës sulmuan tifozët anglezë në një lokal. Ata supozohej se ishin të mbuluar me kapuç, kishin veshur zinxhirë dhe kishin ndezur fishekzjarrë.
Policia çeke konfirmoi informacionin, duke shtuar se një oficer u sulmua gjithashtu gjatë sulmeve. “Tifozët italianë kanë sulmuar tifozët e West Ham në një lokal në Rytirka Street, duke plagosur tre prej tyre. Është sulmuar edhe një agjent. Kemi arrestuar 16 persona dhe po hetojmë faktet”, thuhet në njoftimin e policisë çeke.
Thuhet se rreth 20,000 tifozë të West Ham kanë udhëtuar në Pragë për finalen, shumica dërrmuese e tyre pa biletë, pasi skuadra angleze ka marrë vetëm 5,000 bileta për ndeshjen. Nuk është hera e parë këtë sezon që tifozët e ‘Hammers’ kanë një problem të tillë, pasi në gjysmëfinalen ndaj AZ Alkmaard, një grup tifozësh u sulmuan brenda stadiumit nga holandezët.
