Pse Gaz Bardhi nuk mund të bllokojë zgjedhjet në PD?

113 563 lexime

124,178FansaPëlqeje

Nga Ylli Pata

Me largimin e Enkelejd Alibeajt, i cili ishte komanduar nga kryesia e PD-së për të drejtuar partinë dhe grupin parlamentar, ky rol i ra Gazment Bardhit. I cili pothuajse me të njëjtën formulë u caktua regjent, por vetëm kaq. Ju la edhe drejtimi I grupit parlamentar, post të cilin e kishte tashmë. Alibeaj,, kur erdhi në krye të PD-së si i komanduar bëri të ditur se të gjitha vendimet që do të merren, janë pjesë e operativitetit të përditshëm, ndërsa gjithçka do të ecë pas zgjedhjeve lokale të 2023-shit.

Ja ku erdhën zgjedhjet e 2023-shit, ku siç dihet patëm atë që patëm. Enkelejd Alibeaj dha dorëheqjen, duke bërë të ditur se tani nis një fazë e re në Partinë Demokratike, ajo e ringritjes së saj. Kujdestar i këtij procesi, qoftë edhe nga logjika, por edhe nga koncepti i pragmatizmit statutor u la Gazment Bardhi.

Si rregull, Bardhi thjesht duhet të organizojë, monitorojë, organizojë dhe kurojë të gjithë proesin e zgjedhjeve në PD.

 

Por çfarë po bën Bardhi? Po synon të vendosë rregulla sipas vetes së vet, madje duke kundërshtuar edhe vendimet e kryesisë së PD-së. Kryesia, është organ i që keq apo mirë ka funksionuar, siç ndodhi edhe para 14 majit, kur me insistimin e Bardhit, Tabakut e disa të tjerëve u vendos që të mos kandidohet në 61 bashkitë. E siç kryesia mori këtë vendim që i leverdisi Bardhit, i cili madje ka dalë në fushatë kundër PD-së, mori edhe vendimin e hapjes së zgjedhjes së kryetarit të partisë.

Por Bardhi, po e kthen debatin në një logjikë sipas midesë së tij, pra meqë ai është regjent, nuk do të lejojë që kryesia të hapë procesin e zgjedhjeve. Po s’i ka mundësi që kjo të ndodhë, kur edhe kandidaturat për deputetë apo edhe për kryetarë bashkie i ka miratuar kryesia e PD-së gjithmonë. Vendim që ka qenë ekzekutiv, pasi ata kandidatura më pas janë dërguar në KQZ si zyrtare.

Lexo edhe :  Pse ‘detyrim paraqitje’ ka mërzitur Sali Berishën?!

Ndërkaq, hapat e procesit të zjedhjes së kryetarit të ri të PD nuk se janë vendime ekzekutive, por thjeshtë një orientim statutor mbi kohën dhe vendin se kur duhet të zhvillohen zgjedhjet. Ç’lidhje ka këtu këshilli kombëtar, i cili është pushtet krejt i ndryshëm me kryetarin. Sepse këshilli është legjislativ, pra mitaton rregullat, e kryetari i zbaton ato në përditshmëri. Zgjedhjet nuk do t’i kryejë kryesia pasi statuti i PD-së, ka parashikuar organe që do të merren me procesin. Që janë komisioni zgjedhor i PD-së dhe degët. Këshill i Kombëtar e ka konflikt interesi të merret me zgjedhjen e kryetarit. Këshilli zgjedh kryesinë, e cila merret me operativitetin.

Pengesa që Bardhi kërcënon se do ta bëjë, është thjesht një tekë apo veprim i tij që nuk ka lidhje me PD. E këtu duhet të mblidhet kryesia për të vendosur se ç’duhet të bëjë me njerëzit që pengojnë proceset në Partinë Demokratike.

Të fundit

Gjendja shëndetësore e Janullatos, stabël! Mjekët në Greqi po e mbajnë nën monitorim

Gjendja shëndetësore e kreut të kishës Ortodokse te Shqipërisë, Anastas Janullatos sipas mediave greke është stabël. Pavarësisht situatës së rënduar...

I vodhi me dhunë 400 Euro punonjësit të lavazhit, arrestohet 19-vjeçari

Policia njofton se 19-vjeçari me iniciale I.A., banues në Sarandë është ndaluar. Nga veprimet hetimore dyshohet se i riu më datë 31 Dhjetor 2024, në...

Dëbora krijon probleme në Shkodër, hapet për qarkullimin e mjeteve rruga Bogë-Theth

Zonat malore të qarkut Shkodër janë nën ndikimin e dëborës, që ka shkaktuar probleme në qarkullim gjatë 24 orëve të fundit. Megjithatë, mëngjesin e kësaj...

“U dogj” herën e parë, Berisha vë mend: Do ta zbatoj masën “detyrim paraqitje”!

Sali Berisha, në një konferencë me gazetarët këtë të shtunë, u pyet nëse do të paraqitet të hënë, duke zbatuar kështu masën ndaj tij...

“La Repubblica”: Pse mbyllja e TikTok në Shqipëri është ndryshe nga vendet e tjera

Bllokimi i TikTok në Shqipëri ndryshon nga të gjitha rastet e tjera. Është ndryshe nga 20 bllokime të tjera që TikTok ka parë deri...

Lajme të tjera

Web TV