Popullariteti dhe ndikimi i anglishtes dhe kinezishtes në renditjen globale të gjuhëve, si dhe një fjalë për hebraishten.
Me të gjitha gjuhët që fliten në mbarë botën, cilat janë ato që fliten më gjerësisht?
Kjo është një pyetje e vështirë për t’iu përgjigjur, pasi ndonjëherë vendet mund të kenë disa gjuhë kryesore, duke përfshirë disa si gjuhë të dyta. Por një studim i ri nga Statista, ka hedhur dritë mbi këtë.
Gjuha angleze dhe gjuha kineze: gjuhë me mbi një miliard folës
Anglishtja renditet si gjuha më e folur në mbarë botën, me rreth 1.5 miliardë folës amtarë dhe joamtarë. Pavarësisht se nuk është gjuha amtare e shumicës së njerëzve në mbarë botën, anglishtja është shumë e kërkuar për rëndësinë globale.
Ajo është gjuhë zyrtare në 40 vende, duke përfshirë Indinë, Irlandën, Zelandën e Re dhe Xhamajkën.
Kinezishtja, veçanërisht dialekti mandarin i gjuhës kineze, mban një pozitë të spikatur ndër gjuhët më të njohura, me afro 1.2 miliardë folës.
Si gjuha zyrtare zyrtare e Kinës, gjuha ngjall interes të madh në mesin e atyre, që aspirojnë të mësojnë kinezisht.
Ndikimi i Kinës në ekonominë globale, kontribuon në përdorimin e gjerë të dialektit mandarin të gjuhës kineze, si një gjuhë e vlefshme për shkëmbimet tregtare dhe kulturore.
Shumëllojshmëria e gjuhëve të tjera kryesore
Përveç gjuhës angleze dhe kineze, disa gjuhë të tjera kanë ndikim të konsiderueshëm dhe rëndësi globale:
Gjuha hindi – Me mbi 600 milionë folës amtarë, gjuha hindi renditet si gjuha e tretë më e folur. Ajo luan rol jetik në ekonominë e lulëzuar të Indisë, duke e bërë atë një gjuhë të rëndësishme në peizazhin e sotëm global.
Gjuha spanjolle – Gjuha spanjolle zë vendin e katërt, me rreth 550 milionë folës. E folur zyrtarisht në mbi 20 vende, duke përfshirë Spanjën dhe kombe të ndryshme të Amerikës Latine, spanjishtja krenohet me një trashëgimi të pasur gjuhësore dhe kulturore.
Gjuha frënge – Me më shumë se 300 milionë folës në mbarë botën, frengjishtja zë vendin e pestë dhe është gjuha e dytë më e folur në Europë. Ajo shtrihet përtej Europës, duke e bërë të njohur praninë e saj në Afrikë, Karaibe dhe ishujt e Paqësorit.
Gjuha arabe – Si gjuha zyrtare në shumë vende, arabishtja ka rreth 275 milionë folës. Përdorimi i gjerë dhe statusi special në vende si Algjeria, Egjipti dhe Arabia Saudite, kontribuojnë në praninë e rëndësishme të gjuhës arabe.
Gjuha bengale – E folur nga mbi 270 milionë njerëz, gjuha bengale përfaqëson familjen e gjuhëve indo-europiane. Ajo i gjen rrënjët në Bengalin Perëndimor (Indi) dhe Bengalin Lindor (Bangladesh).
Gjuha Portugeze – Me një prani të fortë prej mbi 260 milionë folësësh, portugalishtja shërben si gjuhë zyrtare në 10 vende në Amerikën e Jugut, Afrikë dhe Europë. Ndikimi i saj shtrihet përtej Portugalisë dhe Brazilit, duke arritur në vendet afrikane si Angola dhe Mozambiku.
Gjuha hebraike
Gjuha hebraike është një gjuhë e folur nga një numër relativisht i vogël njerëzish në mbarë botën, kryesisht si gjuhë zyrtare në Izrael dhe si gjuhë e dytë për një çerek milion individë, në Shtetet e Bashkuara.
Rëndësia e hebraishtes si gjuhë klasike, pranohet nga universitete të ndryshme në mbarë botën, ku mësohet në departamentet përkatëse.
Anglishtja dhe kinezishtja vazhdojnë të dominojnë, si gjuhët më të folura në nivel global, me përdorimin dhe ndikimin e tyre të gjerë.
Popullariteti i gjuhëve të tjera, si hindu, spanjisht, frëngjisht, arabisht, bengalisht, portugalisht dhe hebraisht, e pasuron më tej botën tonë shumëkulturore dhe të ndërlidhur.
Njohja e rëndësisë së diversitetit gjuhësor nxit mirëkuptimin, bashkëpunimin dhe vlerësimin botëror për kultura të ndryshme. / The Jerusalem Post
