Pas tragjedisë së nëndetëses Titan, ku hu humbën jetën 5 personat në bord, është zbuluar se një ish- punonjës i kompanisë “OceanGate: i dërgoi email një ish-kolegut të tij disa vite më parë duke shprehur shqetësime për sigurinë e nëndetëses Titan dhe duke paralajmëruar për CEO-n dhe zgjedhjet e tij, raporton Protothema.
“Unë nuk dua të konsiderohem si thashethemaxhi por jam aq i shqetësuar sa ai po vret veten dhe të tjerët për të rritur egon e tij. Unë do ta përshkruaja veten si mjaft të guximshëm kur bëhet fjalë për gjëra të rrezikshme, por kjo nëndetësja është një aksident që nuk ka ndodhur ende. Nuk ka sesi, edhe sikur të më paguanit, nuk do të zhytesha”, shkruan David Lochridge duke iu referuar Stockton Rush, i cili u vra në thellësi të Oqeanit Atlantik, në mesazhin e tij drejtuar Rob McCallum, një ish-punonjës i cili ishte distancuar nga kompania për shqetësimet për sigurinë e zhytësit
Lochridge punoi për OceanGate në 2015-2018. Ai më pas u përfshi në një padi me kompaninë , duke pretenduar se u pushua nga puna padrejtësisht për ngritjen e shqetësimeve për sigurinë dhe testimin e nëndetëses Titan.
