Barcelona ka konfirmuar zyrtarisht nënshkrimin me sulmuesin brazilian 18-vjeçar, Vitor Roque nga Athletico Paranaense.
Talenti brazilian do të nënshkruajë një marrëveshje shtatëvjeçare me Barcelonën, e cila do të paguajë 30 milionë euro kosto fikse dhe 31 milionë euro tjera bonuse për skuadrën braziliane.
“FC Barcelona dhe Club Athletico Paranaense kanë arritur marrëveshje për transferimin e lojtarit Victor Hugo Roque Ferreira, i njohur më mirë si Victor Roque”.
“Lojtari pritet t’i bashkohet klubit për sezonin 2024/25 dhe do të nënshkruajë kontratë deri në sezonin 2030/31 me një klauzolë blerjeje prej 500 milionë euro”, thuhet në njoftimin e Barcelonës.
Roque ka luajtur në nivelin elitar brazilian dhe ka shënuar 22 gola e 9 asistime për Athletico Paranaense. Ai ishte sulmuesi i tyre titullar dhe ka shtuar edhe 5 gola dhe 3 asistime në 13 paraqitje në Copa Libertadores.
Thashethemet e para për interesimin e Barcelonës për të u shfaqën në fund të vitit 2022, dhe rreth nëntë muaj më vonë, ata kanë mposhtur interesimin e Premier League për Roque për të siguruar nënshkrimin e tij. Mendohet se ai ka refuzuar oferta fitimprurëse për t’u bërë lojtar i Barcelonës.
Ai do ta bëjë këtë vetëm sezonin e ardhshëm, kryesisht për t’i dhënë kohë Barcelonës për të lënë hapësirë në kufirin e pagave për ta regjistruar atë.
Roque është caktuar si numri nëntë i ardhshëm i Barcelonës dhe do të arrijë të mësojë nga Robert Lewandowski përpara se të marrë frenat nga sulmuesi polak.
