Shpesh ndaj lodhjes në përpjekje për t’u çlodhur kërcasim gishtat, pra i palosim gishtat. Dhe ndërsa kjo lëvizje duket relaksuese, ekspertët theksojnë se mund të mos jetë një zakon i dobishëm ose i shëndetshëm.
Sipas studiuesve të Universitetit të Harvardit ka disa arsye pse njerëzit kërcasin gishtat.
“Shumë e shijojnë, ndërsa për të tjerët është një lëvizje e pavetëdijshme për të përballuar stresin që ndjejnë dhe për disa të tjerë është një zakon shumë i bezdisshëm”, thotë Dr. Robert Shmerling, reumatolog dhe redaktor në Harvard Health.
Çfarë e shkakton kërcitjen?
Sipas dr. Thanda Aung, asistente profesore e Departamentit të Reumatologjisë në UCLA, nuk ka prova të mjaftueshme shkencore për të shpjeguar në mënyrë adekuate mekanizmin që shkakton kërcitjen.
A mund të shkaktojë artrit ky zakon?
Një studim i mëparshëm pohoi se “ata që zakonisht kërcasin gishtat e tyre, kanë më shumë gjasa të përjetojnë ënjtje të duarve dhe të kenë forcë më të ulët ne duar”. Studiuesit vunë në dukje, se nuk ka asnjë provë të qartë se ky zakon është i lidhur me osteoartritin.
“Megjithatë, nëse i kërcisni nyjet tuaja vazhdimisht, ka të ngjarë të ndodhë dëmtimi,” vuri në dukje Dr. Thanda Aung.
Si ta largoni këtë zakon?
Të shumtë janë ata që rrëfejnë se kërcitja e gishtave është një metodë e menaxhimit të stresit.
Sipas dr. Aung, ka një mënyrë për të hequr qafe këtë zakon të keq. Çelësi është të adoptoni zakone të tjera që luftojnë stresin. Eksperti argumenton se ushtrimet e frymëmarrjes dhe teknikat e meditimit janë praktika që mund të jenë të dobishme. Shumë gjetje shkencore pajtohen se ka përfitime të vërtetuara fizike dhe psikologjike nga këto zakone.
Së fundi, eksperti sugjeron miratimin e “recetave” të provuara për lehtësimin e stresit, të tilla si ushqimi i shëndetshëm, ushtrimet, lidhja me të tjerët dhe regjistrimi i mendimeve në një ditar.
