Kylian Mbappe nuk do të transferohet tek Al Hilal.
Skuadra arabe ka tronditur botën e futbollit me ofertën prej 300 milionë euro në drejtim të PSG-së për të nënshkruar me sulmuesin francez, teksa për Mbappe ishte përgatitur një ofertë faronike me pagë prej 700 milionë eurosh në sezon.
Një delegacion i skuadrës arabe ka zbarkuar në Paris ku janë takuar me super yllin francez, por megjithatë sipas asaj që kanë raportuar dy mediumet e mëdha franceze L’Equipe dhe RMC Sport, Mbappe ka refuzuar ofertën e skuadrës arabe.
PSG kishte pranuar ofertën e Al Hilal, por Mbappe ka hedhur poshtë çdo mundësi për ta vazhduar karrierën në lindjen e mesme.
Kështu ‘telenovela’ Mbappe do të vazhdoj me francezin që synon t’i bashkohet Real Madridit, edhe pse Los Blancos ende nuk kanë dërguar ofertë për të.
