Merkato në dalje te Partizani. Kampionët e Shqipërisë kanë njoftuar mbylljen e bashkëpunimit me Remzifaik Selmanin. Sulmuesin nga Tetova.
26-vjeçari u bë pjesë e “Demave” gjatë muajit shkurt, duke zbarkuar në kryeqytetin shqiptar nga hungarezët e Mezokovesd.
Më parë ka luajtur me Shkëndijën dhe Renovën në Maqedoninë e Veriut. Ujpestin në Hungari dhe skuadrën e Llapit në Kosovë.
Selmani zhvilloi shtatë ndeshje me Partizanin gjatë fazës së dytë së edicionit të kaluar, duke shënuar një gol në Superiore.
“Partizani njofton mbylljen e bashkëpunimit me Remzifaik Selmanin. Sulmuesi dhe klubi kanë vendosur të ndërpresin me mirëkuptim kontratën mes tyre.
Faleminderit Remzifaik Selmani për kontributin e dhënë me fanellën e kuqe. Të urojmë shumë suksese në karrierën sportive”, lexohet në postimin zyrtar të kampionëve të Shqipërisë.
Partizani luan të martën e ardhshme (1 gusht) duelin e kthimit në ruandin e dytë të Conference League. Përballë Atletic Escaldes nga Andorra, rival të cilin e mposhti 0-1 në transfertë.
