Çmimet e qumështit të paketuar ulen me 5%/ Prodhuesit “zëvendësojnë” fermerët me importet

113 563 lexime

124,178FansaPëlqeje

Çmimet e qumështit të paketuar vendas kanë pësuar ulje të lehtë në këtë periudhë krahasuar me muajin maj.

1 litër qumësht i paketuar po tregtohet me çmim 180 deri 190 lekë. Rënia e çmimit krahasuar me muajin maj është 5%, ndërsa me periudhën mars-prill ku çmimet arritën pikun ulja është 25%.

Pavarësisht rënies së lehtë të çmimit, produktet shqiptare vijojnë të shiten më shtrenjtë se markat e rajonit. Çmimi i qumështit të markës “Alpsko” i Maqedonisë së Veriut tregtohet me 170 lekë për litër, ndërsa qumështi italian i markës “Carrefour” 140 lekë për litër.

Një nga operatorët kryesorë vendas të përpunimit të qumështit në vend pohoi për Monitor se pavarësisht se në këtë periudhë prodhimi i qumështit të lopës është stabilizuar dhe çmimi është ulur, rënia e tij nuk ka ndikuar në çmim.

Ulja e lehtë e çmimit është ndikuar nga shtimi i furnizimeve me qumësht importi, për shkak të leverdishmërisë së çmimit dhe sigurimit të sasisë.

“Prodhimi i qumështit të lopës në këtë periudhë është stabilizuar dhe ka mjaftueshëm në treg. Çmimi i shitjes së qumështit nga fermeri është ulur nga 90 lekë me TVSh në 80 deri 83 lekë me TVSH për litër. Pra, çmimi është ulur pak, por rënia e kostos në furnizimin me lëndë të parë është reflektuar në paga punonjësish që janë rritur shumë, por mbi të gjitha jemi në vështirësi për gjetjen e tyre.

Për këtë arsye ka hyrje të lartë të qumështit nga jashtë, pasi edhe çmimi është më i lirë. Në Hungari nga ku po furnizohemi çmimi i qumështit është 76 me TVSH plus taksën 10%”, u shpreh një nga drejtuesit e fabrikave të përpunimit të qumështit.

Lexo edhe :  Marrëveshja e pensioneve me Italinë/ Shqiptarët nuk do të humbasin asnjë ditë pune

Ndërsa çmimi i qumështit të deles dhe dhisë vijon të shitet me çmim të lartë nga fermerët. Për këtë arsye operatorët pohojnë se në këtë periudhë po e magazinojnë qumështin për prodhim të produkteve të gatshme.

Për shkak të kostove të lartë të blegtorisë dhe mungesës së subvencioneve prej muajsh në tregun vendas pesha e qumështit të importuar është zgjeruar.

Për periudhën janar-prill 2023, sipas të dhënave të Doganave, sasia e qumështit të importuar u rrit 28% krahasuar me të njëjtën periudhë të 2022. Në vlerë importet e 4-mujorit u shtuan 39%.

Ndërsa prodhimi vendas është me rënie. Sipas të dhënave të INSTAT sasia e qumështit të lopës së grumbulluar në 2022 ishte 7% më pak se 2021. Sasia e grumbulluar të qumështit të deles u rrit 10%, ndërsa e qumështit të dhisë u shtua 18,6%.

Për sa i përket konsumit, operatorët pohuan se pavarësisht sezonit turistik ende nuk janë realizuar pritshmërinë e tyre. Ata shprehen se në zonat turistike me tepër shitjen bëhen për supermarketet, pasi hoteleria kërkon çmime më të lira se tregu./D.Azo

Monitor.al

Të fundit

Lumi i Vjosës vizitohet nga turistë të huaj e vendas të pasionuar pas aventurës

Kryeministri Edi Rama ka publikuar këtë të diel pamje nga Lumi i Vjosës, i cilësuar si “lumi i fundit...

Mbyllet sezoni në Serie A/ Juve në Champions, fiton Roma , Lazio mbetet jashtë europës

U mbyll këtë të dielë Serie A. Juventus ia ka dalë që të kualifikohet në Champions League, pas fitores së vuajtur 2-3 ndaj Venezias....

Krimet në Gaza, 9 nga 10 fëmijët e doktoreshës palestineze vriten në sulmin ajror

Dr. Alaa al-Najjar i la dhjetë fëmijët e saj në shtëpi të premten kur shkoi në punë, në dhomën e urgjencës në Kompleksin Mjekësor...

Shqipëria e mbyll me zero pikë Europianin U-17, kuqezinjtë mposhten thellë nga Franca

Shqipëria U17 pëson disfatë 4-0 ndaj Francës, në ndeshjen e fundit të grupit të Europianit që po mbahet në vendin tonë. Francezët e mbyllën...

Ku ndryshon Berisha nga Rama? Na e tregon Belind Këlliçi

Belind Këlliçi komentoi në “Off the Record” nga Andrea Danglli, në A2 CNN, edhe akuzat e disa prej kandidatëve të Partisë Demokratike, nga listat...

Lajme të tjera

Web TV