Plazhi i Gjipesë, në listën e më të mirëve në botë

113 563 lexime

124,178FansaPëlqeje

Plazhet shqiptare janë renditur sërish në mes më të mirëve në botë.

Këtë herë Plazhi i Gjipesë qëndron në vendin e 22 në listën e 50 plazheve më të mira në botë të përpiluar nga Big 7 Travel.

Plazhi i Gjipesë ndodhet në jug të Shqipërisë, mes fshatit Dhërmi dhe Vuno.

“Shqipëria ka filluar të humbasë statusin e saj të perlës së fshehur, pasi është cilësuar si një nga vendet më të mira për t’u vizituar për vitin 2023. Nëse po planifikoni një vizitë, tani është koha për ta bërë atë. Dhe si padyshim plazhi më i bukur në Shqipëri, Gjipe do të jetë në krye të listës së turistëve.

Është i arritshëm vetëm me një ecje në këmbë për gati 40 minuta, një makinë 4×4 ose një varkë. Nuk është e lehtë, por gjiri i largët i rrethuar nga shkëmbinjtë të lartë ia vlen”, shkruan Big 7 Travel.

Uji në plazhin e Gjipesë është kristal i pastër dhe ka ngjyra të mahnitshme. Gjithashtu është vend ideal për kampe për turistët apo vizitorët me shpirt aventurierë.

Rreth Gjipesë për ata që duan të eksplorojnë gjenden shpella dhe disa plazhe të vogla përgjatë bregdetit.

Top 10 lista

Në mesin e dhjetë më të mirëve ishin plazhet e vendosura në Filipine, Kolumbi, Shën Lucia, Zanzibar, Australi, Seychelles, Turks and Caicos, Vietnam dhe, Greqi.

Navagio Beach, një plazh në Greqi, i cili ka marrë këtë emër pas anijes që u mbyt atje në 1983, siguroi vendin e shtatë.

Navagio Beach ndodhet brenda një limani të izoluar në ishullin grek të Zakynthos. Ai është e njohur për ujërat e saj të kristalta dhe peizazhet mahnitëse.

Lexo edhe :  Në një botë më të nxehtë, duhet të kapërcejmë frikën nga hijet

Është një nga plazhet më të fotografuara të Greqisë dhe është paraqitur si sfond i disa videoklipeve muzikore.

  1. Plazhi i Bardhë, Port Barton, Filipine
  2. Plazhi Cabo San Juan – Kolumbi
  3. Plazhi Jalousie – St Lucia
  4. Plazhi Kendwa, Zanzibar
  5. Whitehaven Beach – Ishujt Whitsunday, Australi
  6. Source d’Argent – ​​Seychelles
  7. Plazhi Navagio – Zakynthos, Greqi
  8. Grace Bay – Turks and Caicos
  9. Lang Co Beach, Vietnam
  10. Hyams Beach – New South Wales, Australi./ Monitor

Të fundit

Administrata Trump publikon dosjet mbi vrasjen e Martin Luther King

Administrata e Donald Trump publikoi të hënën më shumë se 230,000 faqe dokumentesh konfidenciale të deklasifikuara që lidhen me...

Tërmet në Greqi, lëkundjet ndjehen pranë kufirit me Shqipërinë

Një tërmet me magnitudë 4.6 i shkallës Rihter është regjistruar mëngjesin e sotëm në Greqi, në orën 09:43 me orën lokale. Epiqendra e tërmetit ndodhej...

Projektrregullorja, ulen komisionet edhe për transfertat kombëtare në Euro

Banka e Shqipërisë ka përgatitur disa ndryshime në rregulloren “Për funksionimin e sistemit AIPS EURO për shlyerjen e transfertave vendase për klientë në Euro”, që parashikojnë...

Një fjalëkalim i dobët rrëzon një kompani 158-vjeçare dhe la pa punë qindra njerëz

Një gabim i vetëm, një fjalëkalim i pambrojtur, dyshohet se është bërë shkaku i shkatërrimit të një kompanie britanike me një histori prej 158...

Media britanike “Mirror”: Vizitoni qytetin e bukur evropian, Tiranën

Ekspertja e udhëtimeve Chelsea Dickenson është gjithmonë në kërkim të destinacioneve më pak të njohura. Kohët e fundit, ajo zbuloi një qytet evropian të vendosur...

Lajme të tjera

Web TV