Gianluca Smacacca zgjedh Atalantën. Sulmuesi i talentuar italian ka pranuar ofertën e bergamaskëve dhe transferimi pritet të kompletohet në orët e ardhshme.
Mbetet sërish pa sulmues Interi, që në ditët e fundit kishte kthyer vëmendjen nga italiani, duke ofruar 23 milionë euro plus 5 bonuse për kartonin e tij dhe një pagë prej 3 milionë eurosh në sezon.
Megjithatë së fundi në garë hyri Atalanta, që ofroi 30 milionë euro për kartonin dhe 3.2 milionë euro rrogë për futbollistin. Në këtë rast Interi preferoi të dalë nga ankandi dhe t’u lërë dorë të lirë bërgamaskëve, të cilët pritet të plotësojnë dokumentacionin për transferimin e Scamaccës nga West Ham.
Sulmuesi 24-vjeçar Scamacca rikthehet kështu në Serinë A pas vetëm një sezoni në Premier League, këtë herë për të veshur fanellën e Atalantës, ku do të marrë vendin e Hojlund, i cili iu shit te Manchester United.
Më herët Scamacca ka luajtur me skuadrën e Genoas dhe atë të Sassuolos, teksa pikërisht te emilianët spikati para se të shitej për rreth 40 milionë euro te West Ham në Premier League.
