Yann Sommer është zyrtarisht futbollist i Interit. Portieri i kombëtares së Zvicrës u bashkohet zikaltërve për 6 milionë euro, pagesë që do të shlyhet në disa këste.
“Ka fëmijë që ëndërrojnë të bëhen sulmues të mëdhenj, ndërsa të tjerë kanë lindur për të luajtur në portë: Yann Sommer i përket kategorisë së dytë”, është fjalia hyrëse e njoftimit për shtyp të Interit.
“I lindur më 17 dhjetor 1988 në Morges, Zvicër, Sommer u rrit në Bazel me mikun e tij, Roger Federer.
Babai dhe xhaxhai i tij luanin si portierë. Që në stërvitjen e tij të pare, kur ishte 4 vjeç, Yann u vendos në portë, ku fëmijët e tjerë donin të shënonin…
I pasionuar pas muzikës, gatimit, arkitekturës dhe fotografisë, Sommer është një personazh i shumanshëm brenda dhe jashtë fushës: Yann është një portier i aftë në lojën me këmbë, por edhe i talentuar me reflekse dhe intuitë të shkëlqyera.
Sezonin e kaluar ai vendosi rekordin e pritjeve në një ndeshje të Bundesligës: plot 19 kundër Bayernit të Mynihut.
Yann ka marrë pjesë në tri Kupa Bote dhe dy Kampionate Evropiane.
