Një aksident rrugor ka ndodhur paraditen e të mërkurës në Vorë. Dy makina janë përplasur njëra me tjetrën dhe për pasojë është lënduar një efektive policie që ishte në shërbim.
Abc News ka siguruar pamjen nga vendi i aksidentit, ku efektivja shihet e shtrirë në rrugë.
Policja është përplasur gjatë kohës që po patrullonte në rrugë. Ajo është transferuar menjëherë drejt Spitalit të Traumës dhe sipas mjekëve është jashtë rrezikut për jetën.
Personi, i cili e përplasi policen është shtetas i huaj. Ai i tha Abc News se nuk donte ta shkaktonte aksidentin, por e gjeti përpara efektiven dhe nuk mundi ta ndalonte automjetin në kohë.
Njoftimi i Policisë:
Më datë 09.08.2023, rreth orës 10:30 në Vorë, në afërsi të një karburanti, janë përplasur dy automjete, dhe si pasojë e përplasjes është dëmtuar punonjësja e Policisë së Qarkullimit Rrugor, Inspektore (e planëzuar në shërbim), e cila po dërgohet në spital, për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të aksidentit / S.M
