Vizita e Giorgia Melonit në Shqipëri ishte lajm jo vetëm për ne Shqiptarët, por edhe për mediat italiane, të cilat i kanë kushtuar një artikukll, duke zbardhur dhe aktivitetet që kryeministrja bëri gjatë pushimeve shqiptare.
Sipas “La Stampa”, vizita e Melonit duhet të ishte vetëm një ditore, por gjatë rrugës, u kthye në 4 ditë pushimesh në bregdetin shqiptar.
“Duhej të ishte një shëtitje pak orëshe brenda ditës, por u kthye në një festë katër-ditore shqiptare, në plazhet smerald të bregdetit të Adriatikut, midis Vlorës dhe Dhërmiut.
Qëndrimi i kryeministres italiane, Giorgia Meloni në Tokën e Shqiponjave duhet të përfundojë sot, për të dhe familjen e saj, vajzën e saj Ginevra dhe bashkëshortin e saj Andrea Giambruno, kunatin e saj dhe ministrin e Bujqësisë, Francesco Lollobrigida dhe motrën e saj Arianna, plus disa bashkëpunëtorë të ngushtë.
Një vizitë shumë private, të cilën vetëm pak turistë kanë mundur ta kapin. Dhe kjo kërkonte një aparat nga toka dhe nga deti.
Kryeministrja ishte e ftuar e kreut të qeverisë, Edi Rama, në vilën e madhe bregdetare për kryeministrat shqiptarë, një kompleks i përbërë nga disa ndërtesa që ngjiten në kodër, me një pamje dhe perëndimin e diellit që të lë pa frymë, tarraca dhe katër kate dhomash në kep, dhe mbi të gjitha mundësinë e ankorimit direkt nën vendkalimin që ngjitet mes pishave të detit dhe të çon në rezidencë.
Dhe e gjitha ishte për të eksploruar plazhet e bukura dhe jo tamam të pacenuara të vendit, të cilat, siç bëjnë shaka vetë shqiptarët “këtë vit janë të kolonizuara nga ju, dëgjohet të flitet vetëm italisht, nuk duroj dot më!”
Mbërritja ishte të hënën: skuadra e Meloni kishte lëvizur me tragetin e kompanisë greke Starlines, por shërbimi menaxhohet nga shqiptarët, të cilët nuk e njohin, thonë disa burime.
Për ta pritur atë në portin e Vlorës kishte zbritur vetë Rama, i cili e ka ftuar vazhdimisht në raste publike muajt e fundit dhe më në fund vizita ndodhi.
Transferimi me makinat blu në pallatin veror, kamerierë dhe shërbëtorë që janë parë disa herë të hyjnë e dalin nga rezidenca. Dhe më pas, udhëtimi në Jug, pardje: një motobarkë e madhe mbërriti për t’i marrë, duke u nisur drejt Dhërmiut, ku Edi Rama ka shtëpinë verore.
Dhe ka pasur një takim edhe me ish-kryeministrin britanik Tony Blair, tashmë këshilltar i Ramës, i cili kishte mbërritur në Shqipëri të dielën me helikopter, ashtu siç ka bërë prej disa vitesh.
Ai qëndronte në Himarë, shumë afër Dhërmiut, por darka me dy kryeministrat do të bëhej në Vlorë, ku i ftuar ishte edhe kryetari i Bashkisë së qytetit. Dhe pastaj, Blair do të largohej përsëri.
Pamjet e pakta të kryeministrit, të publikuara ekskluzivisht nga La Stampa, janë realizuar nga turistët që panë motobarkën të shkonte e të vinte.
Kjo është padyshim vera shqiptare, me një bum prej 6.5 milionë pushuesish, nga të cilët gjysmë milioni vetëm nga vendi ynë. Ka qenë vetë Rama ai që ka festuar, duke nënvlerësuar një postim ironik, ku krahasonte në një fotomontazh turmën e italianëve që zbrisnin nga anijet me shqiptarët e dëshpëruar që zbarkuan në brigjet tona në vitin 1991 nga “Vlora” e famshme.
Para Melonit, edhe këngëtarja shqiptare Dua Lipa kishte zgjedhur Dhërmiun për relaksin veror. Në pamjet e motoskafit të kryeministrit nën rezidencën e Ramës, dëgjohet dikush duke komentuar: “Tani e kuptojmë pse gjithë kjo polici” dhe sërish “edhe ajo vjen me gomone nga Brindizi”.
Pothuajse 5 mijë italianë jetojnë në Vlorë, ku dje qëndroi kryeministrja dhe ku do të takohet sërish sot me Ramën për ta përshëndetur dhe aty ndodhet edhe selia e konsullatës së përgjithshme. Por gjatë festave shumë private të kryeministrit nuk pati asnjë rast për të organizuar takime me asnjë prej tyre.
Mirëpo, mes darkave dhe plazhit, vizita shqiptare nuk ishte vetëm një mundësi pushimi. Ka shumë dosje të hapura dhe të ndara me kolegun nga Tirana.
Duket se kryeministrja Meloni i ka kërkuar edhe kolegut të saj Rama mbështetje për kandidaturën e Romës për organizimin e Expo.
Së fundi, ka një projekt para qeverisë aktuale që do të donte të ndërtonte një central bërthamor në Shqipëri, por me investime italiane.
Mes çështjeve gjeopolitike, një për të gjithë stabilitetin e Ballkanit, me Shqipërinë aleate të madhe të Perëndimit, dhe atyre ekonomike, Meloni dhe Rama janë tashmë shumë më tepër se partnerë.
Miq të veçantë, “vëllai i Italisë dhe motra e Shqipërisë” ka bërë shaka ai në një intervistë për La Stampa. Së shpejti do të dimë edhe se çfarë solli pushimi mes ujërave transparente të Vlorës dhe Dhërmiut, në aspektin ekonomik dhe gjeostrategjik./e.t
