test

Brenda saj dy pëllumba dhe një kuti muzikore, kjo është torta më e shtrenjtë në histori

113 563 lexime

124,178FansaPëlqeje

Gjashtë kate, një krem i detajuar, një kuti muzikore e fshehur në të dhe mbi të gjitha një surprizë e papritur.

Nëse sot tortat e dasmës bëhen në një mënyrë të caktuar, për këtë i detyrohemi dasmës përrallore të Princeshës Grace Kelly. Dasma midis Grace Kelly dhe Princit Rainier, e festuar më 19 prill 1956, ndryshoi përgjithmonë mënyrën e organizimit të dasmave.

Nga banketi te fustani, deri te lulet, gjithçka ndryshoi pas asaj dite prilli. Sidomos kur bëhet fjalë për tortat e dasmës. Torta e dasmës së Grace dhe Princ Ranieri është në fakt më e kopjuara në botë. Jo vetëm kaq, pasi ajo ishte edhe më e shtrenjta. Për ta rikrijuar atë tort sot, me gjashtë katet e saj madhështore dhe peshën 225 kg, do të duheshin mbi 10 mijë euro.

Torta u konceptua, si nderim për të sapomartuarit, nga pastiçeri i Hotel de Paris në Montecarlo, i cili ruante njëfarë rezerve për formulën që përdori për mbushjen e saj. Ende sot dihet vetëm se përfshinte marzipan dhe çokollatë të zezë.

Vëmendjen sakaq e tërhoqi kremi i sheqerit që e mbulonte në çdo pjesë, i përkujdesur dhe i dekoruar deri në detajet më të vogla.

Tre katet e para riprodhuan me detaje Pallatin e Princave, ndërsa të tjerët përshkruanin skena nga historia e principatës.

Stema Monegaske dominonte midis katit të katërt dhe të pestë të tortës, të bëra me sheqer të kuq dhe të bardhë, ndërsa në shtresën e sipërme u vendosën dy Putti Filigree (kupidë dashurie) duke u balancuar mbi re akulli, me një kopje të kurorës së Monakos të varur mbi kokat e tyre.

Në këtë kat të fundit, një pajisje muzikore e fshehur luante ritmet e Ave Maria të Schubert dhe Marshimin e Dasmës së Mendelssohn.

Lexo edhe :  Të gjitha përfitimet e përdorimit të akullit në lëkurën tuaj

Në fund, goditja mjeshtërore ishte kur Princi Rainier preu fetën e parë të tortës me shpatën e tij dhe në dy katet e fundit u hap një kafaz i fshehur nga i cili fluturuan dy pëllumba, një simbol i dashurisë dhe besnikërisë.

Ndoshta, duke menduar tani për të gjitha këto detaje (veçanërisht pëllumbat), mund të duket e pabesueshme. Por, në vitet 1950, torta dhe e gjithë ngjarja përfaqësonin një manifestim të madhështisë së Principatës së Monakos dhe lamtumirën solemne të muzës së Hitchcock në universin e shndritshëm të Hollivudit.

Të fundit

Leonardo DiCaprio, xheloz për suksesin e Margot Robbie

Leonardo DiCaprio thuhet se e ka zili Margot Robbie. Siç dihet, filmi “Barbie” i Margot Robbie u vlerësua nga fansat...

Ky këngëtar pritet të jetë një nga banorët e Big Brother VIP Albania 4

Këngëtari i njohur Young Zerka, mund të jetë një nga banorët e edicionit të ardhshëm të “Big Brother VIP”. I ftuar së fundmi në...

Françeska Murati shtatzënë? Ish-banorja e BBVIP 3 sqaron të vërtetën

Ish-banorja e Big Brother Albania VIP 3, Françeska Murati është përfolur shumë për një shtatzëni të mundshme, e kjo për shkak të postimeve të...

Nuk keni për ta njohur/ Ylli i “Game of Thrones” transformohet për rolin e ri

Ylli i “Game Of Thrones”, Jack Gleeson, dukej i panjohur teksa bëri një shëtitje në Londër të mërkurën. Aktori, 32 vjeç, i cili luajti...

Kroaci-Itali, Dalic: Kam besim te skuadra, bëjmë ndeshje të madhe

Zlatko Dalic, tekniku i Kroacisë, u përgjigj pyetjeve të gazetarëve para ndeshjes me Italinë. “Ne jemi gati, të gjithë janë në formë, përveç Vidës që...

Lajme të tjera

Web TV