Gjykata e Posaçme kundër Krimit të Organizuar dhe Korrupsionit ka kërkuar ndërprerjen e koncensionit të sterilizimit.
Kjo kërkesë vjen pasi nga hetimet e SPAK rezulton se ka probleme dhe shkelje dhe është kërkuar që të ndërprehet kontrata para afatit kohorë.
Konkretisht, gjykata i kërkon ILDKP-së “marrjen e masave për ndjekjen e rrugës ligjore për konstatimin e pavlefshmërisë së kontratës koncesionare datë 2 dhjetor 2015 të lidhur mes Ministrisë së Shëndëtësisë, përfaqësuar nga Ministri Z.Ilir Beqaj dhe shoqërisë “SaniService” sh.p.k. të përfaqësuar nga administrator Admir Daca. Ky i fundit, rezulton administrator i kompanisë fituese të koncesionit, e cila është një bashkim kompanish, konkretisht: “Investital LLC”, me pronar Ilir Rrapaj, zotëron 40 për qind të aksioneve, SERVIZI ITALIA S.P.A, 30%, Tecnosanimed 15% dhe U.JET 15%.
Rrapaj dhe Staccini janë pronarë të shoqërive “Investital L.l.c dhe Servizi Italia S.p.a dhe Tecnosanimed S.r.l dhe U.Jet S.r.l dhe Admir Dacit administratorit të bashkimit të përkohshëm të këtyre shoqërive në ‘SaniService sh.p.k” me të cilën në dhjetor 2015, u firmos marrëveshja koncesionare 100 milionë dollarëshe me afat 10 vjeçar dhe tani kërkohet që kjo kontratë të ndërpritet.Kujtojmë që kallëzimi penal është bërë në Dhjetor 2019 nga Nisma Thurje dhe SPAK thotë se më 13 Janar 2020 ka regjistruar procedim penal për veprat penale “Shpërdorimi i detyrës” në bashkëpunim, “Shkelja e barazisë së pjesëmarrësve në tendera apo ankande publike” kryer në bashkëpunim dhe “Korrupsioni pasiv i funksionarëve të lartë shtetëror ose i të zgjedhurve vendorë”.
Pas regjistrimit të procedimit penal, SPAK bën me dije se nga ana e policisë gjyqësore janë kryer një numër jashtëzakonisht i madh veprimesh hetimore në analizë të të cilave (deri në këtë fazë të hetimit) me kërkesë të Prokurorisë së Posaçme, Gjykata e Posaçme me vendimin nr.49 akti datë 23.06.2023 lëshoi 8 urdhër arreste për Klodian Repajn, Ilir Rrapajn, Marsela Serjanaj, Saimir Kadiu, Arben Gjata, Pertef Mersini, Genc Burazeri dhe Naile Ajazi.
