Më 1939, Gjermania dhe BRSS bien në ujdi në Moskë për një Pakt mossulmimi, të ashtequajturin “Hitler-Stalin-Pakt”. Kontrata e datuar me 23 gusht u pais vetem mbas mesnatës per shkak tratativave të zgjatura me nënshkrimet e ministrit të jashtem Molotov dhe von Ribbentrop.
Marrëveshja Molotov-Ribbentrop ishte një pakt jo agresioni midis Gjermanisë naziste dhe Bashkimit Sovjetik që parashikonte ndër të tjera në ankesin sekret ndarjen e Polonisë midis tyre. Pakti u nënshkrua në Moskë më 23 gusht 1939 nga ministri i Jashtëm gjerman, Joachim von Ribbentrop dhe homologu i tij sovjetik, Vyacheslav Molotov. Diskutimi në fjalë parashtroi disa pikëpamje “të reja” që në thelb i mëshojnë idesë se LIIB ka dy përgjegjës: Gjermaninë Naziste dhe Bashkimin Sovjetik.
Andrzej Noëak, historian dhe profesor në Universitetin Jagiellonian dhe në Institutin e Historisë së Akademisë Polake të Shkencave në Varshavë, ku drejton Seksionin për Historinë e Evropës Lindore dhe Perandorive të Shekullit XIX dhe XX, thotë se mbi paktin Molotov-Ribbentrop, pikëpamjet janë të ndryshme. Sipas tij, dënimi i këtij pakti nisi menjëherë pas shpërbërjes së Bashkimit Sovjetik, kur presidenti i atëhershëm, Boris Jelcin, u vu në kërkim të një ideje kombëtare.
