Të paktën shtatë persona janë plagosur pas sulmeve me raketa ruse në rajonin Dnipropetrovsk të Ukrainës, tha të enjten një zyrtar ushtarak ukrainas.
“Ka pasur shpërthime të fuqishme në Dnipro në mes të natës. Armiku goditi qytetin me raketa. Njëra prej tyre u rrëzua,” tha Serhii Lysak, kreu i administratës ushtarake të rajonit Dnipropetrovsk.
Një objekt transporti u shkatërrua në sulmet ajrore dhe rreth një duzinë ndërtesash u dëmtuan duke përfshirë një bankë, një pikë karburanti, një hotel dhe një kompani bujqësore. Dy ndërtesa banimi dhe tubacione uji dhe gazi u dëmtuan gjithashtu.
Mes të plagosurve nga predha janë tre burra dhe katër gra, të moshës 32 deri në 55 vjeç. Gjashtë prej tyre u shtruan në spital dhe janë në gjendje të të qëndrueshme.
Sulmet shkaktuan gjithashtu një zjarr që më vonë u kontrollua nga autoritetet, sipas Mykola Lukashuk, kreu i këshillit të rajonit Dnipropetrovsk.
