Një zhvillues dhe këshilltar i quajtur Alessandro Paluzi, ka treguar se rrjeti social “Instagram” ka vendosur të zgjasë ndjeshëm kohëzgjatjen maksimale të “Reels”-ave,
Aktualisht, Reels-at janë të kufizuar në 3 minuta, por pamjet e postuara nga Paluzzi tregojnë se ato do të jenë deri në 10 minuta në të ardhmen.
Kjo do ta transformojë në mënyrë efektive këtë rrjet social në një platformë më të qëndrueshme për ndarjen e videove, si YouTube.
Ky ndryshim do të zhvillojë një rivalitet mes “Instagramit” dhe “TikTokut”, i cili tashmë i lejon përdoruesit të postojnë video deri në 10 minuta.
“YouTube”, nga ana tjetër, është duke bërë komplet të kundërtën.
Kjo platformë po depërton në botën e videove me forma të shkurtra.
Ndërkaq, Meta, kompania mëmë e “Facebook”-ut dhe “Instagram”-it është shprehur se për përdoruesit në Europë postimet “Story” dhe “Reels” do të shfaqen në rend kronologjik, ndërsa rezultatet e kërkimeve nuk do të personalizohen.
Ky ndryshim vjen vetëm pak ditë përpara se Akti i Shërbimeve Dixhitale të Bashkimit Europian të fillojë të veprojë mbi faqet e mëdha të internetit, përfshirë platformat sociale “Facebook” dhe “Instagram”, që dhe konsiderohen platforma të mëdha online./ S.M
