Edhe pse tatuazhet janë diçka e zakonshme, në disa vende të botës nuk është e njëjta gjë. Megjithatë, ka vende ku mund të futeni në telashe të mëdha nëse keni tutazhe.
Diçka e tillë mund të gjendet në Burma ose Sri Lanka. Edhe pse tatuazhet janë të pranueshme, ekziston një përjashtim. Është e ndaluar të pikturohet Buda në trupin e dikujt, pasi kjo konsiderohet e paligjshme.
Ata që vendosin të hyjnë në vend me këtë tatuazh në lëkurë mund të përballen me telashe, siç ishte rasti me një turisteje britanike të cilës iu refuzua përfundimisht hyrja në Sri Lanka në vitin 2014, sepse kishte tatuazh Budën në krahun e saj.
Diçka e ngjashme ndodh edhe në Tajlandë, ku tatuazhet përgjithësisht janë të mirëseardhura, por Buda konsiderohet një figurë e shenjtë dhe është e ndaluar të bëhet tatuazh.
Në Japoni nuk ju lejohet të hyni në sauna, banja publike apo palestra me tatuazhe. Përveç kësaj, në hyrje të shumë objekteve të tilla ka tabela që ndalojnë hyrjen e personave që kanë tatuazh.
Në vende të tjera si Irani, grave u ndalohet të bëjnë tatuazhe në vende të dukshme, ose nëse i kanë ato duhet t’i fshehin nën rroba për t’iu përmbajtur kodeve islame. Nga ana tjetër, për meshkujt nuk ka asnjë ndalim.
Në Emiratet e Bashkuara Arabe tatuazhet janë të rralla dhe konsiderohen si një formë e vetë-gjymtimit.
Ata që duan të bëhen pjesë e ushtrisë ose policisë u ndalohet të kenë ndonjë tatuazh në trupin e tyre. Ndërkaq, studime të shumta tregojnë se shëndeti i njeriut mund të jetë në rrezik nga tatuazhet.
Disa ngjyra të tatuazheve përmbajnë substanca të cilat shkaktojnë tumorin. Ky zbulim tronditës ka ardhur nga një mbledhje e specialistëve të Britanisë nga Organizata e Shëndetit të Përgjithshëm. Në zbulimin e tyre më të ri studiuesit nxjerrin në shesh rrezikun e nanopartiklave nga ngjyra e tatuazheve./ S.M
