Babai i Elon Musk ka shprehur së fundmi frikën se djali i tij miliarder mund të vritej, shkruajnë mediat e huaja.
Shqetësimi i Errol Musk vjen pas një raporti për ndikimin e djalit të tij në vendimet e qeverisë.
77-vjeçari, Errol Musk kritikoi një artikull të fundit në The New Yorker që eksploronte ndikimin e personit më të pasur në botë në vendimet e qeverisë për luftën në Ukrainë.
Zyrtarët e Pentagonit i thanë The New Yorker se Elon Musk trajtohej si një ‘zyrtar i pazgjedhur’ dhe ngritën shqetësime për qëndrimin e tij ndaj Vladimir Putinit.
“Kjo është një punë e suksesshme, një sulm i hapur i sponsorizuar nga qeveria për Elon,“-u shpreh 77-vjeçari.
Raporti gjithashtu theksoi se sa vendimtarë kishin qenë satelitët Starlink të SpaceX në luftën në Ukrainë. Dhe gjatë pretendimeve të tij, gazetari i ‘The US Sun’ e pyeti nëse kishte frikë mund të vritej djali i tij, ai u përgjigj: ‘Po’.
Errol Musk gjithashtu e përshkroi artikullin e New Yorker për The US Sun si “zbutje e armikut si artileri përpara sulmit aktual”.
Musk duket se ka një marrëdhënie të tensionuar me babanë e tij dhe më parë e ka quajtur atë një “qenie njerëzore të tmerrshme”./ S.M
