Një ngjarje e rëndë ka ndodhur në Spanjë, teksa një këmbë e prerë njeriu u gjet në një plazh.
Zbulimi është bërë në plazhin e Gandias, një vend shumë i frekuentuar nga pushuesit vendas dhe të huaj.
Gjymtyra u zbulua nga një grua, e cila po bënte një shëtitje përgjatë vijës bregdetare dhe vuri re diçka të çuditshme në rërë.
Ajo vendosi të fillonte të gërmonte, kur zbuloi se ishte një këmbë e prerë njeriu.
Gruaja bërtiti e frikësuar, teksa pushuesit lajmëruan policinë që nisi hetimet.
Sipas burimeve policore, ka mundësi që gjymtyra të jetë hedhur nga një varkë në det, ndërsa raportohet se i përket një mashkulli.
Po ashtu, gjymtyra ishte thuajse e dekompozuar, gjë që tregon se ka qëndruar për një kohë të gjatë në det, para se të shfaqej në breg./ S.M
