Ministri i Brendshëm, Taulant Balla shprehet se Policia e Shtetit ka goditur grupe kriminale me rrezikshmëri të lartë, të përshirë më parë në ngjarje kriminale të rënda, në Vlorë dhe Shkodër.
“Kam besim se Policia e Vlorës dhe ajo e Shkodrës do të bëjnë detyrën në zbardhjen e ngjarjeve kriminale të reja dhe më të vjetra për vendosjen para drejtësisë të personave të dyshuar. Qytetarët e Vlorës dhe Shkodrës presin prej nesh garantimin e rendit, sigurisë publike dhe parandalim të ngjarjeve kriminale. Presim më shumë rezultate!”, shprehet Balla në një postim në rrjetet sociale, teksa ka publikuar edhe videon nga aksioni i fundit i policisë në Vlorë.
Reagimi i ministrit të Brendshën vjen pas parandalimit të një ngjarje kriminale në Vlorë. Uniformat blu bënë me dije se kanë arrestuar 6 persona të armatosur, të cilët do të ekzekutonin me armë zjarri një person.
Në prangat e policisë kanë rënë: S. B., 37 vjeç, M. A., 33 vjeç,B. Sh., 29 vjeç, M. H., 27 vjeç, B. Xh., 29 vjeç dhe K. M., 28 vjeç.
Në videon e publikuar nga policia, shfaqen momente nga aksioni “Obelisk”, të zhvilluar në një lokal në qytetin bregdetar, kur arrestohen 6 personat, të cilët kishin edhe armë me vete. Të rinjtë janë pjesë e një celule kriminale. / S.M
