Tragjedia e Gërdecit/ Ish-ministri Bumçi dhe Shkëlzen Berisha thirren si dëshmitarë

113 563 lexime

124,178FansaPëlqeje

Djali i ish-kryeministrit Sali Berisha dhe ish-ministri i Drejtësisë Aldo Bumçi, janë në listën e 71 personave që pritet të dëshmojnë për tragjedinë e Gërdecit. Gjyqi ndaj Fatmir Mediut rikthen edhe një herë ngjarjen e rëndë të 15 marsit 2008, me 26 të vrarë dhe 300 të plagosur. Cili është roli i Shkëlzen Berishës dhe përballja në gjykatë si dëshmitar.

Në gjyqin ndaj ish-ministrit të Mbrojtjes Fatmir Mediu, i akuzua për tragjedinë e Gërdecit me pasojë vrasjen e 26 personave dhe plagosjen e 300 të tjerëve do të dëshmojë edhe djali i ish-kryeministrit Sali Berisha. Në listën e dëshmitarëve të SPAK janë 71 persona, mes të cilëve Shkëlzen Berisha dh eish-ministri i Drejtësisë Aldo Bumçi. Shkëlzen Berisha duket se ende nuk e ka sqaruar pozicionin e tij në çështjen Gërdeci pasi SPAK kërkoi thirrjen si dëshmitar në gjyqin ndaj ish-ministrit të Mbrojtjes Fatmir Mediu. Bashkë me djalin e ish-kryeministrit, në listën me 71 persona për tu pyetur është edhe ish-ministri i drejtësisë i kohës, Aldo Bumçi. Lidhja mes tyre, janë kontaktet e vazhdueshme dhe një shkresë e këtij të fundit e vitit 2007 me një shënim me shkrim dore “për Shkëlzen Berishën”. Në fakt mbetet shumë e dyshimtë sesi një shkresë zyrtare i drejtohet Shkëlzen Berishës kur ai nuk kishte asnjë funksion shtetëror. Lidhja e Berishës me Gërdecin është aluduar shumë nga opozita e kohës, por djali I ish-kryeministrit nyuk u mor asnjëherë në pyetje në atë kohë. Megjithatë pas rihapjes së dosjes dhe marrjes së çështjes nën hetim nga SPAK, gjithçka ka ndryshuar. Për këtë çështje, SPAK e pyeti Shkëlzen Berishën më 26 janar 2023, një muaj para dërgimit të dosjes në gjyq. Pas asaj dëshmie, Shkëlzen Berisha, pranoi se shënimi me emrin e tij në letrën e ministrit të drejtësisë ishte një mister 15 vjeçar, por vetë nuk kishte një shpjegim.

Lexo edhe :  Veliaj kundërshton provat e reja të SPAK: Jeni marrë me telefonatat e mia dhe me familjen

“S’kam asnjë lidhje me të. Prokuroria duhet t’i thotë publikut se kush e ka bërë atë shënim. Unë nuk kam asnjë lidhje. Prokuroria t’i thotë publikut se e kujt është kaligrafia, nëse nuk është falsifikim.  Që unë të futem në Ministrinë e Drejtësinë nuk do të thotë që unë marr vendime”, tha Shkëlzen Berisha më 26 janar të këtij viti. Dokumenti në fjalë, është dhënie mendimi nga Ministria e Drejtësisë, për projekt-ventimin e ministrisë së mbrojtjes për dërgimin në qeveri të vendimit për ngritjen e fabrikës së demontimit në Gërdec. Për rrjedhojë, shkresa duhej të komunikohej me faks nga njëra ministri në tjetrën, dhe shënimi “për Shkelzenin” në kushtet kur djali i ish kryeministrit nuk punonte në këto dikastere, duket një çështje për tu sqaruar, siç kërkon SPAK. Një tjetër pikë e rëndësishme në dosjen e SPAK, ende e pasqaruar, është edhe telefonata e Shkelzen Berishës me Fatmir Mediun, menjëherë pas shpërthimit të Gërdecit. Punonjësja e ministrisë së Mbrojtjes, që ka marrë faksin e mbërritur nga zyra e ministrisë së Drejtësisë, ka pohuar para hetuesve të Gërdecit Hamza Plaka dhe Arben Frashëri, se shkresa ka mbërritur me shënimin në fjalë. Po ashtu edhe ish-ministri Aldo Bumçi do të jetë një tjetër dëshmitar që do të pyetet pikërisht për këtë shkresë e cila sipas nënshkrimit me dorë ishte “për Shkëlzen Berishën”. Ndonëse të dy janë marrë në pyetje nga SPAK, për asnjë prej tyre nuk është ngritur akuzë. Gjithsesi marrja si dëshmitar është një tregues dhe procesi ndaj Mediut pritet të zbardhë disa dyshime për një lidhje të mundshme të Berishës me çështjen Gërdeci.

Të fundit

Tronditet “Shqipëria Madhështore” – Selami Jenishehri braktis koalicionin e Berishës

Selami Jenishehri, një nga aleatët e Sali Berishës në koalicionin "Shqipëria Madhështore", i ftuar në emisionin "Të Paekspozuarit" në...

Donatorët evropianë premtojnë 5.8 mld euro për Sirinë, SHBA nuk përfshihet në mbështetje

Nën kujdesin e BE u organizua të hënën konferenca në Bruksel me donatorët për ndihmat në Siri. Por thirrja për financim në ndihmë të...

Masakra e Izraelit në Gaza/ 356 viktima, mes tyre dhjetra fëmijë (FOTO)

Një seri sulmesh tronditën Rripin e Gazës, duke shënuar rifillimin e bombardimeve nga ushtria izraelite kundër objektivave të Hamasit. Kjo është vala më e madhe...

A po i del zot Berisha “trumpizmit” edhe për Kosovën?

Nga Mero Baze   Tani t’i thuash Zërit të Amerikës dhe Evropës së Lirë që kanë pasur censurë, ndaj i mbylli, është injorancë, por mbi të...

Si të humbni peshë lehtësisht duke hequr dorë vetëm nga një zakon i keq

Deri tani kemi dëgjuar dhe lexuar gjithçka për ushqimin e shëndetshëm, dhe tendencat e dietës ndryshojnë po aq shpesh sa edhe tendencat e modës. Megjithatë,...

Lajme të tjera

Web TV