Ka nisur procesi i votimit për zgjedhjet e pjesshme në bashkinë Kukës. Procesi po vijon normalisht në 74 qendra votimi.
Kreu i KZAZ 11, Sahit Doçi në një prononcim për mediat është shprehur se gjithçka po vijon pa probleme.
Me përjashtim të disa problemeve të vogla për sa i përket aparaturave çdo gjë tjetër është në rregull në të gjitha qendrat e votimit.
Sahit Doçi: “Procesi i votimit ka nisur mbarë në gjithë qendrat e votimit në shkallë rrethi. Fillimet kanë qenë të mbara, kemi pasur probleme të vogla për sa i përket operatorëve, për vënien në punë të aparaturave. Por nuk kemi probleme shqetësuese. Procesi vazhdon normalisht.
Deri më këto momente nuk kemi shqetësime, sa i përket komisionerëve, vetëm 1 në komunën Bicaj dhe s’kemi probleme të tjera.
Nqs mungon energjia elektrike atëherë votohet manualisht, regjistron emrin, mbiemrin, kartën e identitetit pranë qendrës së votimit”, tha Doçi.
Zgjedhjet e pjesshme në Kukës mbahen sot pas video-skandalit me ish kreun e bashkisë Safet Gjici.
Në fletën e votimit, zgjedhësit do të kenë mundësi të votojnë midis Alber Halilajt të PS dhe Emri Vata të opozitës./ S.M
