test

Pse në këto 10 vende nuk duhet ta përdorni kurrë telefonin

113 563 lexime

124,178FansaPëlqeje

Mendohuni dy herë përpara se të bëni një telefonatë, gjithmonë nëse gjendeni në një nga këto 10 vende. Bisedat e gjata në celular mund të kthehen në bezdi për shumëkënd…Imagjinoni një person që flet me zë të lartë në dyqan. 10 vendet ku nuk duhet ta përdorni kurrë telefonit dhe arsyet pse janë këtu:

Rrugë

Rrugët e ngarkuara me makina, persona që i japin biçikletës apo motorëve me shpejtësi kthehen në një rrezik nëse ju e keni mendjen tek celulari dhe jo në rrugën ku jeni duke shkelur.

Dyqan

Nëse jeni hutuar nga biseda në celular teksa duhet të bëni pazaret ju nuk e keni mendjen as tek blerjet, as tek personat që ju afrohen. Këta të fundit mund të jenë hajdutë xhepi që përfitojnë nga shpërqendrimi juaj për t’ju futur duart në çantë.

Restorant

Respektoni njerëzit që ulen me ju në tavolinë duke qenë të pranishëm në bisedë.

Sallon bukurie ose SPA

Në botën e sotme me ritme gjithnjë e më të shpejta, është e rëndësishme të gjesh kohë për t’u çlodhur dhe për t’u kujdesur për veten. Respektoni faktin që edhe klientët e tjerë po marrin pak kohë për veten, ndërsa parukierët apo estetistët po punojnë. Ndaj, shmangni celularin.

Autobus

Imagjinoni një autobus plot me pasagjerë, mbi 100 syresh që flasin të gjithë në telefon në të njëjtën kohë. Dërgoni mesazhe nëse keni diçka urgjente dhe shmangni bisedat e gjata në celular.

Spital

Në një vend si spitali, imagjinoni një ekip mjekësh që angazhohen në situata kritike për jetën, ndërsa tek veshi i qëndroni ju me bisedat në telefon. Por, ka edhe një arsye tjetër: valët e celularit mund të interferojnë (ndërhyjnë) në disa pajisje mjekësore duke penguar funksionimin e tyre.

Lexo edhe :  Njohje e vjetër/ Mesazhet që Mozzik i shkruante Lotinës në 2019

Avion

Kur piloti ju thotë se është koha për të fikur celularin, bëjeni. Nuk është vetëm se të folurit në telefon është i bezdisshëm për pasagjerët e tjerë, por valët mund të ndërhyjnë në sinjalet e radios që piloti përdor me qendrën e kontrollit.

Në intervistë pune

Kur intervistoni apo intervistoheni për punë, vëmendja e plotë duhet të jetë në bisedën në fjalë. Nuk ka rëndësi nëse intervista është e drejtpërdrejtë apo përmes Zoom-it. Vëmendja duhet të jetë tek pyetjet dhe përgjigjet.

Kur jeni në radhë

Askush nuk do që të jetë i bllokuar në radhë me ju duke dëgjuar bisedat në telefon. Por, e rëndësishme është që të keni mendjen tek radha dhe të nxirrni dokumentet apo portofolin kur të jeni tek sporteli.

Ambient pune

Ju ndani hapësirën me njerëz të tjerë dhe ata ka të ngjarë të duan të përqendrohen te puna në heshtje për të maksimizuar produktivitetin. Flisni me kufje në vend të bisedave të gjata me zë apo kamera./E.Ç

Të fundit

“Viktima e radhës mund të jesh ti”/Skandali te Onkologjiku nesër protestë para ministrisë

Skandali tek spitali Onkologjik, ku mjekët kishin krijuar një skemë abuzive të transfermit të pacientëve me kancer drejt klinikave...

Beleri mbetet në burg/ Athina kërkesë Shqipërisë: Duhet ta lejoni të marrë pjesë në…

Ministria e Jashme e Greqisë ka reaguar pas vendimit të Gjykatës së Apelit që la në fuqi dënimin me dy vjet burg për kryebashkiakun...

Grida “zbulon” shkaqet e divorcit me Metën: Monika donte të ishte prima dona e politikës

Grida Duma ka “zbuluar” shkaqet e divorcit Meta-Kryemadhi. “Ka aq shumë pyetje që mund të ngrihen në raportet e krijuara tashmë mes politikës, jetës së...

Gentian Zenelaj nuk pranoi të merrte pjesë në filmin e Luizit. Ja cila ishte arsyeja

I ftuar në emisionin “Pushime On Top”, aktori Gentian Zenelaj u shpreh se arsyeja pse e ka refuzuar rolin në një film, ka qenë...

SKANDALI tek Onkologjiku, shkarkohen nga puna mjekët që orientonin pacientët tek privati

Ministrja e Shëndetësisë ka shkarkuar nga detyra mjekët e spitalit të Onkologjikut pas përgjimeve të publikuara, që tregojnë sesi ata përfitonin para nga pacientët...

Lajme të tjera

Web TV