test

Kredia për ekonominë iu rikthye rritjes në muajin gusht

113 563 lexime

124,178FansaPëlqeje

Kreditimi i ekonomisë iu rikthye rritjes në muajin gusht.

Sipas të dhënave të Bankës së Shqipërisë, sektori bankar disbursoi 29.2 miliardë lekë, në rritje me 6.6% krahasuar me të njëjtën periudhë të një viti më parë.

Kredia e re për muajin gusht u rrit paralelisht si për bizneset, me 7.5%, ashtu edhe për individët, me 5.5% më shumë krahasuar me të njëjtën periudhë të vitit të kaluar.

Për të gjithë 8-mujorin e parë të vitit, vlera e kredisë së re të dhënë nga sektori bankar arriti në 191.2 miliardë lekë, në rritje me 1.7% krahasuar me të njëjtën periudhë të një viti më parë. Kredia po e ruan rritjen pozitive edhe këtë vit, pavarësisht normave më të larta të interesit.

Nëse kredia do të zhvishej nga efekti i kursit të këmbimit, rritja do të ishte ndjeshëm më e lartë, duke pasur parasysh efektin negativ të forcimit të Lekut në kursin e këmbimit me Euron.

Në muajt e verës, një efekt negativ në ecurinë e kredisë së re ka dhënë edhe problematike me veprimet kadastrale, që janë ngadalësuar ndjeshëm, për shkak të mbylljes së plotë të sporteleve fizike. Kjo ka sjellë vonesa të mëdha në vendosjen e hipotekave për kreditë e garantuara me kolateral në formën e pasurive të paluajtshme.

Deri tani gjatë këtij viti, rritja e kredisë është mbështetur sidomos tek kreditimi i individëve dhe i kompanive publike, ndërsa kredia për ndërmarrjet private rezulton me një rënie të lehtë krahasuar me të njëjtën periudhë të vitit të kaluar. Këtu sidoqoftë duhet marrë sërish në konsideratë efekti i kursit të këmbimit, sepse tek bizneset kreditimi në Euro ka vlera më të mëdha krahasuar me segmentin e individëve.

Lexo edhe :  Qeveria miraton 300 kuota për kredi të reja, kush përfiton

Muaji gusht ka sjellë një rritje edhe më të fortë në portofolin e kredisë të matur si tepricë. Vlera e portofolit të kredisë për ekonominë arriti në 724.6 miliardë lekë, me një rritje prej 20 miliardë lekësh krahasuar me korrikun. Me bazë vjetore, kredia i është rikthyer rritjes pozitive, me 1.9% më shumë, ndërsa muajin e kaluar rritja vjetore kishte qenë afër zeros.

Rritja e portofolit po mbështetet kryesisht te segmenti i individëve, ku portofoli është në rritje me 8.9% krahasuar me një vit më parë.

Kjo lidhet në një masë të madhe me faktin se ky segment dominohet nga kredia afatgjatë për blerjen e pasurive të paluajtshme, ku amortizimi i portofolit është më i ngadaltë, si edhe nga fakti që kreditimi në valutë ka një peshë më të vogël dhe ndaj efekti negativ nga kursi i këmbimit është më i ulët.

Portofoli i kredisë për bizneset private ndërkohë rezulton në rënie me 2% krahasuar me një vit më parë, por kjo lidhet edhe me faktin që në këtë segment ka një peshë më të madhe të kredisë afatshkurtër, që ka amortizim më të shpejtë dhe të kredisë në valutë të huaj, që është ndikuar nga efekti statistikor i kursit të këmbimit./ MONITOR/   S.M

Të fundit

Lando Norris do të niset nga Pole Position në Çmimin e Madh të Spanjës, befason Hamilton

Lando Norris do të niset i pari në garën e së dielës në Çmimin e Madh të Spanjës në...

Tri gjërat që duhet të bëni për të fituar zemrën e një gruaje

Sipas një prej sondazheve në rrjetet sociale, ka disa gjëra kyçe që gratë presin nga partnerët e tyre të mundshëm. Disa prej tyre janë...

Gjeorgjia merr pikën e parë historike në Europian, Çekia i “shpëton” humbjes

Gjeorgjia dhe Çekia e mbyllën në barazim 1-1 ndeshjen e dytë të Grupit F. Për të dyja kombëtaret kjo ishte pika e parë në...

Media gjermane “BILD”: Zbuloni gjithçka rreth kulturës së vendit mesdhetar, Shqipërisë

Thesare historike, peizazhe idilike, vende fetare: Shqipëria ka gjithçka për të ofruar, shkruan Emily Pradel në një artikull të botuar në të përditshmen gjermane...

Vera e nxehtë dhe temperatura të larta, sa herë në ditë duhet të bëjmë dush

Temperaturat e nxehta janë të mundimshme. Njeriu djersin dhe lodhet më shumë gjatë verës si pasojë e këtyre temperaturave. Dushi tingëllon idea më e mirë...

Lajme të tjera

Web TV