Bayern Munchen ka një potencial të madh në aspektin ofensiv, por reparti i mbrojtjes nuk po tregohet në nivelin e duhur. Me bavarezët që kanë pësuar 12 gola deri tani.
6 në 6 takimet e Bundesligës, 3 në finalen e humbur në Superkupë ndaj Leipzigut. Dhe 3 kundër Manchester United në Champions League.
Legjenda e Bayern Munchen, Lothar Matthaus ka kritikuar Min-jae Kim, për kartonin e të cilit rekordmenët gjermanë paguan 50 mln euro në arkat e Napolit.
“Kim nuk është ende aty ku shpresonim të ishte. Ai është një faktor pasigurie te Bayerni, i duhet akoma kohë për t’u përshtatur në Bundesliga.
Nuk kam asgjë personale ndaj lojtarit, por ai nuk është ende në lartësinë e pritshmërive”, u shpreh Matthaus në lidhje me 26-vjeçarin nga Koreja e Jugut. 
Probleme kanë shfaqur edhe Upamecano dhe De Ligt, dhe drejtuesit e Bayernit po synojnë të rikthejnë Jerome Boateng. I cili qëndron pa skuadër prej verës.
35-vjeçari kaloi 10 vite me fanellën bavareze, duke fituar në total 22 trofe gjatë aventurës me skuadrën më të fortë në Gjermani.
