Rama ndan shkrimin e “Haber Turk”: Shqipëria, “e preferuara e re” e Ballkanit

113 563 lexime

124,178FansaPëlqeje

Kryeministri Edi Rama ndau sot në rrjetet sociale shkrimin e medias së njohur turke “Haber Turk” për turizmin e Shqipërisë.

“Shqipëria “e preferuara e re” e Ballkanit është kthyer tashmë një pol tërheqës edhe për vizitorët turq duke thyer një rekord turistik, siç thotë në këtë artikull promovues media e njohur “Haber Turk””, shkruan Rama.

“132% më shumë vizitorë nga Turqia frekuentuan vendin tonë deri në muajin gusht, krahasuar me një vit më parë, një surprizë, por edhe një garanci që Shqipëria ka afirmuar vendin e saj mes vendeve fqinje, prej dekadash të konsoliduara në industrinë e turizmit”, theksoi kryeministri Rama.

“Haber Turk”: Pesë arsyet për të pushuar në Shqipëri

E dalluar me plazhet e saj, malet madhështore, qytetet e lashta plot shtëpi prej guri, kuzhinën e shijshme dhe jetën e gjallë të natës, Shqipëria theu një rekord turistik këtë vit, shkruan në një artikull gazeta e përditshme turke “Haber Turk”.

Shqipëria është ndoshta një nga vendet më të fshehura në Ballkan me shumë potencial.

Shqipëria u rimëkëmb shpejt pas pandemisë dhe theu rekordin turistik para fundit të këtij viti.

Me rritjen e investimeve në turizëm vitet e fundit dhe tërheqjen e vëmendjes së turistëve europianë, Shqipëria, e preferuara e re e Ballkanit, ka filluar të bëhet një destinacion tërheqës edhe për turqit.

Vendi, i cili ka një popullsi prej 2,8 milionë banorësh priti 7,2 milionë turistë, pothuajse trefishi i popullsisë së tij, në 8 muajt e parë të vitit.

Ajo që bie më shumë në sy është se, sipas Ministrisë së Mjedisit dhe Turizmit në Shqipëri, numri i turistëve nga Turqia arriti 135 000 duke u rritur me 132 për qind krahasuar me të njëjtën periudhë të vitit të kaluar.

Lexo edhe :  PS nis festën në Korçë për votat e diasporës, thelloi rezultatin

Pra, le të shohim se çfarë e bën tërheqës këtë vend ballkanik.

Ngjashmëritë kulturore mes dy vendeve

Ngjashmëritë kulturore midis dy shoqërive mund t’i shihni kudo, nga kuzhina në jetën e përditshme, nga arkitektura te reflektimet e tyre në gjuhë.

Por, jo vetëm që janë të ngjashëm, kultura turke është e dashur dhe e vlerësuar në Shqipëri.

Një nga vendet më ekonomike në Evropë

Shqipëria mund të jetë pak më e shtrenjtë se Turqia për shkak të diferencës së kursit të këmbimit, por gjithsesi është një nga vendet më ekonomike në Evropë.

Nëse paguani 3 euro për një kafe në Itali, në Shqipëri paguani 1 euro.

Gjithashtu, mund të hani një picë të këndshme për 6-7 euro në një restorant të mirë, dhe të pini një birrë për 2-3 euro.

Edhe pse tarifat e akomodimit variojnë në varësi të sezonit dhe standardeve, fjetja dhe mëngjesi ditor fillon nga 70-80 euro, dhe qiraja ditore e automjeteve të segmentit B fillon nga 30-40 euro.

Përsa i përket plazheve, megjithëse një ombrellë dhe dy shezlong kushtojnë mesatarisht 20 euro, sigurisht që mund të shijoni detin edhe në plazhet publike./   S.M

Të fundit

Kriset xhami i dritares, avioni i linjës Tiranë-Oslo bën ulje emergjente në Kroaci

Një tjetër incident përfshiu kompaninë ajrore norvegjeze Norwegian të martën, kur fluturimi DY1935 në itinerarin Tiranë–Oslo u detyrua të...

Berisha ‘nuk shkulet” nga PD/ Demokratët i kujtojnë nenin për dorëheqjen

Kandidati i Partisë Demokratike në listën e hapur në Shkodër, tedi Kopliku ka folur për zgjedhjet e 11 majit mbi zhvillimet e fundit brenda PD-së...

Po i dorëzonte klientit kokainën, karabinierët arrestojnë 30-vjeçarin shqiptar

Karabinierët në Gubbio të Italisë arrestuan në flagrancë një 30-vjeçar shqiptar për posedim dhe shitje të substancave narkotike, pasi iu gjetën në posedim mbi...

Publikohet renditja, cilat televizione u ndoqën më shumë gjatë 11 majit në Shqipëri

Top Channel dhe Report Tv janë renditur të parat për shikueshmërinë në YouTube gjatë ditës së zgjedhjeve parlamentare, sipas të dhënave të publikuara nga...

Si i la Berisha 220 mijë vota jashtë koalicionit opozitar!

Ish-kandidati i partisë ‘Koalicioni Euroatlantik’, Shemsi Prençi, është shprehur se kryedemokrati Sali Berisha nuk bëri përpjekjet e duhura për të futur në të njëjtin...

Lajme të tjera

Web TV