Kryeministri skocez Hamza Yousaf publikoi të premten një video-mesazh dërguar atij nga vjehrra e tij nga Gaza, në të cilën, me lot në sy, gruaja vajton ultimatumin e Izraelit drejtuar civilëve që të lëvizin në jug.
“Kjo është Elizabeth El Nakla. Ajo është vjehrra ime (…) Si shumica e banorëve të Gazës, ajo nuk ka të bëjë fare me Hamasin. Asaj iu tha të largohej nga Gaza, por, si pjesa tjetër e popullsisë, ajo është e bllokuar dhe nuk ka ku të shkojë”, shkroi Yousaf në Platformën X.
“Kjo do të jetë videoja ime e fundit”, thotë El Nakla në mesazhin e saj. “Një milion njerëz pa ushqim, pa ujë dhe ata (ushtria izraelite) po i bombardojnë (…) Ku duhet të shkojmë? (…) Ku është njerëzimi?” dëgjohet të thotë vjehrra e kryeministrit skocez, e cila është një infermiere në pension.
This is Elizabeth El-Nakla. She is my mother-in-law. A retired nurse from Dundee, Scotland. She, like the vast majority of people in Gaza, has nothing to do with Hamas. She has been told to leave Gaza but, like the rest of the population, is trapped with nowhere to go. pic.twitter.com/D3ZUtnEmyO
— Humza Yousaf (@HumzaYousaf) October 13, 2023
Në një intervistë të mëparshme me Sky News, Hamza Yousaf qau teksa fliste për “pafuqinë dhe mungesën e shpresës” që ai dhe gruaja e tij, Nadia, ndjejnë përballë situatës. Ai gjithashtu fajësoi qeverinë britanike që nuk i ofroi asnjë ndihmë. Ai tha se ishte “i zhgënjyer” dhe “i zemëruar” që Sekretari i Jashtëm James Cleverley, të cilit i shkroi për ta informuar për të afërmit e tij në Gaza, nuk u përgjigj kurrë. Që kur njoftoi se vjehërrit e tij janë bllokuar në Gaza, ku kishin shkuar për të vizituar të afërmit, ai gjithashtu nuk ka pasur asnjë kontakt me kryeministrin britanik Rishi Sunak, shtoi ai.
Në një intervistë tjetër me BBC, Youssef kritikoi qëndrimin e Izraelit, duke thënë se “dënimi kolektiv nuk justifikohet” dhe se njerëzit e pafajshëm “do të paguajnë çmimin për këto sulme të urryera (nga Hamasi) me të cilat ata nuk kanë të bëjnë fare”.
I also met with Palestinian leaders from different faiths today. They want peace & they want the life of a Palestinian to be equal to the life of an Israeli.
I gave them my assurance that @scotgov will continue to call for a ceasefire and a humanitarian corridor to be opened. https://t.co/JRVIdc6vQz
— Humza Yousaf (@HumzaYousaf) October 13, 2023
