Samiti i Procesit të Berlinit që po mbahet në Tiranë ka përfunduar pjesën e parë të punimeve në orën 13:30 dhe të gjithë liderët e tij, të BE-së dhe të Ballkanit Perëndimor kanë dalë jashtë Piramidës ku po mbahet takimi për të bërë foton familjare, siç e quajnë.
Ndërkohë që liderët rreshtoheshin për këtë fotografi që ngulit këtë moment politik dhe historik, grupe popullore kërcimi të shteteve pjesëmarrëse i kanë përshëndetur të pranishmit.
Pas një pushimi dhe drekës zyrtare, në orën 15:30 do të nisë sesioni i dytë i punimeve të Samitit të Procesit të Berlinit në Tiranë me fokus, mbështetjen e tranzicionit të gjelbër dhe dixhital në Ballkanin Perëndimor. Më pas:
në orën 16:45 do të përurohet Kolegji i Europës në Tiranë.
në orën 17:30 do të nënshkruhet marrëveshja rajonale për njohje reciproke të kualifikimit profesional.
në orën 17:45 konferenca e përbashkët për shtyp.
në orën 18:30 ceremonia e inaugurimit të Piramidës./ S.M
