Kreu i SPAK, Altin Dumani, i cili është bërë pjesë e mbledhjes së Këshillit Kombëtar të Intergimit Europian, ka bërë me dije se SPAK ka në kapacitetin e tij të plotë 17 prokurorë të emëruar dhe ndërkohë është hapur gara edhe për 3 prokurorë të tjerë.
Dumani theksoi se deri në fund të vitit pritet që SPAK të ketë një organikë të plotë.
Kreu i Prokurorisë së Posaçme u shpreh se prokurorët janë shumë të ngarkuar në çështjet që kanë nën hetim.
Nga ana tjetër u shpreh se BKH ka kapacitet të plotë me 62 hetues.
“SPAK është funksional, është në kapacitetin e tij të plotë me 17 prokurorë të emëruar, kemi hapur garën edhe për 3 prokurorë të tjerë.
Deri në fund të vitit mund të kemi një organikë të plotë. Prokurorët janë shumë të ngarkuar në çështjet që kanë nën hetim. BKH është në kapacitetin e plotë, janë 62 hetues. Jemi në rekrutim në shërbimet e policisë gjyqësore pranë BKH-së”, tha Dumani./ S.M
