Rritet kërkesa për kredi! Bizneset marrin hua për investime, qytetarët për shtëpi

113 563 lexime

124,178FansaPëlqeje

Zgjerimi i aktivitetit prodhues dhe nevoja për të kryer investime të reja, i ka shtyrë bizneset të kërkojnë më shumë kredi pavarësisht normave të larta të interesit.

Në një vrojtim i kryer nga Banka e Shqipërisë, thuhet se në tremujorin e tretë të vitit është regjistruar rritje e kërkesës për kredi si nga bizneset ashtu edhe individët, madje nuk janë frenuar as nga normat e rritura të interesit.

“Kërkesa për kredi e bizneseve vijoi të raportohej e lartë, pavarësisht faktit se vijuan të mbeten të pranishëm disa faktorë që dekurajojnë kërkesën për kredi, të tillë si ambienti i normave të larta të interesit, si edhe disponueshmëria e likuiditeteve të larta nga ana e bizneseve”, thuhet në vrojtimin e bankës.

 

Por edhe pse kërkesa nga bizneset ka qenë në rritje, banka thotë se ka edhe sipërmarrje që janë stepur për të marrë kredi për shkak të normave të larta të interesit si dhe të perspektivës ekonomike.

Ndërsa qytetarët vijojnë të kërkojnë më shumë kredi për blerje banese, madje pritet rritje e kërkesës për kredi deri në fund të vitit si për shtëpi ashtu edhe për konsum.

Gjatë muajve Korrik-gusht-shtator, bankat tregtare kanë ndryshuar qasje ndaj kredidhënies për bizneset dhe për individët, duke lehtësuar kushtet.

“Kushtet dhe termat e përgjithshëm për kreditë akorduar individëve u lehtësuan në tremujorin e tretë të vitit. Kushtet çmim u lehtësuan nga marzhet më të ulëta mbi kreditë normale.

Kushtet joçmim u lehtësuan nëpërmjet kërkesave më të ulëta për kolateral, si edhe shtimit të madhësisë së kredisë. Faktorët e tjerë joçmim u raportuan të pandryshuar.”, thuhet në raport.

Një qasje e tillë sipas vrojtimit ka ardhur si pasojë e përmirësimit të situatës makroekonomike në vend dhe pritshmërive për të ardhmen./   S.M

Të fundit

KESH e kallëzoi për shpifje, GJKKO shtyn gjyqin ndaj deputetit demokrat Gazment Bardhi!

htyhet përsëri seanca gjyqësore në GJKKO për kreun e grupit parlamentar të PD-së, deputetin Gazmend Bardhi, i kallëzuar nga KESH për...

Dështon sërish seanca për konstituimin e Kuvendit të ri të Kosovës

Ka dështuar sërish ditën e sotme seanca për konstituimin e Kuvendit të ri të Kosovës. Sipas burimeve bëhet me dije se seanca dështoi për shkak...

Berisha sfidon sërish Ramën: Pse nuk pranon debat me mua në studiot televizive?

Kryetari i PD-së, Sali Berisha ka sfiduar sërish sot kryeministrin Edi Rama për t’u përballur në një debat televiziv live. Sipas tij, Rama refuzon çdo...

Deklarojnë se produktet luksoze prodhohen në Kinë, e vërteta pas videove virale!

Nëse jeni duke lundruar në TikTok a Instagram, mund të hasni video të ndryshme nga fabrikuesit kinezë që thonë se shumë marka luksoze i...

Nuk ka largim nga “Anfield”, Virgil van Dijk rinovon me Liverpoolin

Kapiteni i Liverpulit, Virgil van Dijk i ka dhënë fund spekulimeve mujore rreth të ardhmes së tij duke rinovuar kontratën.  Marrëveshja e mëparshme e holandezit do...

Lajme të tjera

Web TV