Në Stokholm të Suedisë u zhvillua seminari “Rose-Roth” i organizuar nga Asambleja Parlamentare e NATO-s në bashkëpunim me Qendrën e Gjenevës për Siguri dhe Qeverisje.
Në aktivitet mori pjesë delegacioni i përhershëm në AP NATO kryesuar nga Mimi Kodheli dhe anëtarët Bardhyl Kollçaku, Xhemal Qefalia dhe Bujar Leskaj.
Seminari pati të ftuar politikanë, qeveritarë dhe ekspertë të Suedisë të cilët folën mbi kontributin që vendi i tyre ka dhënë deri më tani pa qenë anëtarë të Aleancës, ndërsa shprehën gatishmërinë që t’i bashkohen plotësisht asaj në të gjitha rrafshet e në të gjitha skenaret ku vepron.
Delegacioni nga Turqia njoftoi gjatë Seminarit vendimin e Presidentit Erdo?an për të dërguar në Asamblenë e Madhe propozimin për miratimin e protokollit të anëtarësimit në NATO për Suedinë, vendim që u përshëndet nga parlamentarët në sallë.
Diskutimet u fokusuan po ashtu mbi aktualitetin, mbrojtjen, sigurinë dhe demokracinë për vendet partnere sidomos në një risk eminent të kohëve të fundit.
Seminari Rose-Roth diskuton mbi dhe me vendet partnere duke mbajtur parlamentarët e vendeve anëtarëve të përditësuar mbi zhvillimet në këto vende si Gjeorgjia, Kosova, Moldavia, Serbia, Armenia, Bosnjë-Hercegovina etj./e.t
