Plot një vit në krye të kompanisë/ Si e ndryshoi Elon Musk Twitter-in

113 563 lexime

124,178FansaPëlqeje

Njeriu më i pasur në botë, Elon Musk, mori në dorë kompaninë “Twitter Inc.” saktësisht një vit më parë. “Zogu i vogël është liruar“, shkroi Musk në Twitter më 27 tetor të vitit të kaluar.

Më pas ai shkarkoi menaxherin dhe gjysmën e 7500 punonjësve. Ai përfundimisht filloi një të ashtuquajtur riemërtim, duke ndryshuar emrin e rrjetit në “X”.

Twitter u lançua në Silicon Valley në 2006 si një platformë mikroblogimi me 140 karaktere. Deri në fund të vitit të kaluar, ai kishte 368 milionë përdorues aktivë dhe shihej si një katalizator për protesta të mëdha.

Kthimi i të larguarve

Para se të blinte rrjetin për 44 miliardë euro, Musk e quajti Twitter-in “një shesh de facto publik i qytetit” dhe kritikoi pronarët e mëparshëm për kufizimin e fjalës së lirë.

Si shef, Musk pushoi qindra moderatorë të përmbajtjes dhe rivendosi llogaritë e pezulluara të njerëzve si Nick Fuentes dhe Andrew Anglin, si dhe mohuesve të tjerë të Holokaustit dhe racistëve të bardhë.

Vetëm disa javë më vonë, studiuesit nga Universiteti Tufts i SHBA-së pohuan se “cilësia e komunikimit ka rënë” në Twitter “me më shumë ekstremistë dhe propagandistë ose përmbajtje urrejtjeje që testojnë kufijtë e asaj që Twitter do të tolerojë.

Tani, një vit më vonë, kritikët thonë se “sheshi i qytetit” është përmbytur me gjuhë urrejtjeje dhe dezinformata.

Sipas disa vlerësimeve, që nga ardhja e Musk, Twitter ka humbur një të tretën e vlerës së tij.

Madje, Musk ka anuluar “distinktivin blu” që personazhet publikë kishin më parë me emrin e tyre, gjë që vërtetonte se ishin vërtet ata dhe jo dikush që e prezantonte veten si të tillë. Sot, kushdo që paguan disa dollarë në muaj mund të ketë një “distinktiv blu”.

Lexo edhe :  Sulmi ukrainas në aeroportet ruse: Çfarë dimë deri më tani

Madje kishte zëra se Musk synonte të tërhiqej nga Evropa për shkak të rregullave të BE-së për përhapjen e gjuhës së urrejtjes dhe përmbajtjes “të dëmshme”.

Shumë dolën me idenë e “largimit” demonstrativ nga Twitter. Edhe në Gjermani, disa nga politikanët më të rëndësishëm fshinë llogaritë e tyre. Megjithatë, shumica e politikanëve dhe mediave mbetën./   S.M

Të fundit

Erë e re Tiranë-Athinë! Gerapetritis takon Hasanin: Ju mbështesim, por kujdes minoritetin

Qysh në fillim nga mënyra e pritjes te përqafimet dhe shtrëngimet e herëpashershme të duarve, u duk se takimi...

“Para se të dorëzonte pushtetin në 2013, Berisha e zhduku dosjen Partizani”

Avokati Romeo Kara ishte i ftuar këtë të martë në “Frontline” me Marsela Karapançon në Report Tv, ku komentoi sulmet e vazhdueshme të Sali...

Dalin tezat e provimit, “anglishtja” bën xhiro në rrjetet sociale, reagon ministria

27 mijë maturantë testuan njohuritë e tyre për Gjuhën e Huaj, por si përherë, Matura Shtetërore u cenua nga nxjerrja e tezës. 40 minuta pas...

Plagosja e kamerierit 15-vjeçar në piceri, arrestohet i dyshuari: Armën e hodha te…

Arrestohet autori i dyshuar i plagosjes në piceri të kamerierit 15-vjeçar me një armë të dyshuar si pistoletë-stilolaps (artizanale). Policia e Tiranës bën me dije...

Lajmi i fundit: Jep dorëheqjen Komandanti i Gardës

Jep dorëheqjen Komandanti i Gardës së Republikës. Sipas burimeve, dorëheqja e Ermal Onuzit është dorëzuar te ministri i Brendshëm, Ervin Hoxha. Ermal Onuzi i emëruar...

Lajme të tjera

Web TV