Fundi i ankthit të Berishës për “arratisjen” e Metës

113 563 lexime

124,178FansaPëlqeje

Nga Mero Baze

Sot pati një çlirim të Berishës dhe mbështetësve të tij nga riatdhesimi I Ilirit dhe Monikës në Shqipëri. Në fakt filloi qysh mbrëmë, kur Monika postoi foto me parukierien dhe Meta me një militant të LSI.

Edhe pse Berisha nuk ishte I sigurt ku u zhduk këtë javë Ilir Meta ankthi lexohej qartë . Sa herë e pyesnin gazetarët përtypte fjalë sikur kish arra në gojë.

Askush tjetër përveç atij dhe mbështetësve të tij nuk kishin ndonjë kuriozitet ku ishte Meta dhe gruaja e tij. Dikush thoshte në një klinikë shëndeti, dikush në një udhëtim turistik në Hungari, por i gjithë kurioziteti buronte nga fakti pse kishin lënë vetëm Berishën. Se ata jashtë udhëtojnë rregullisht, por nuk ngjallin kaq shumë ankth.

Por akoma më I pamëshirshëm ishte qëndrimi I çiftit Meta në këtë histori. Duke parë ankthin e Berishës dhe të vetëve, ata nuk u bën të gjallë qysh ditën që u shqiptua dënimi i Berishës. As mesazhe, as deklarata, asgjë.

Ishte si një zhdukje e një dashnoreje të zemëruar, që nuk ja kanë ditur rëndësinë deri ditën e hallit. Dhe kjo reflektohej tek Berisha tek fytyra e tij kur e pyesnin “ku është Meta” dhe mbi të gjitha tek ankthi që rrezatonin njerëzit dhe mediat që mbështesin Berishën.

Dukej se Ilir Meta dhe gruaja e tij po testonin Berishën se si po e përjetonte një braktisje të mundshme ndaj tij në këto ditë të vështira. Aq më tepër që braktisja shoqërohej me thashetheme të tipit që ndaj tyre ka hetime por ata “nuk do ta dorëzojnë kokën në sini” dhe do shikojnë punët e tyre.

Kjo ja ulte shumë pikët heroizmit të Berishës që ka vendosur të luftoj dhëmb për dhëmb me SPAK në sheshet dhe rrugët e Shqipërisë, duke ja bërë gjyqin nga tribunat e demokratëve pa pranuar të dorëzohet.

Lexo edhe :  Kutitë u hapën, pushime të mbara!

Dhe I gjithë ky ankth që Meta dhe gruaja e tij prodhuan duke testuar braktisjen e Berishës në javën e tij më të keqe në jetë, e tregon sot, çlirimi që ka pësuar gjithë Foltorja, në “të shtatat” e urdhër ndalimit për Berishën, kur më në fund Meta u shfaq në Tiranë.

Thirrjet e tyre “erdhi, erdhi” apo dhe më keq, ndenja e triumfit që “Meta u jep përgjigje gjithë atyre që thanë se ka ikur”, tregon qart se çfarë kanë përjetuar. Të vetmit që I “jep përgjigje” Meta me kthimin e tij është Berisha , I cili e ka kërkuar gjithë javën në makth pse kishte ikur jashtë dhe kish fikur telefonin.

Po shyqyr më në fund u kthye. Tani opozita është më e sigurt pasi rrezikonte të ngelej në dorë të Agim Neshos dhe Flamur Nokës. Edhe Berisha është më I sigurt se e ka në krah një njeri që e bën më të fort në këto ditë të vështira. E ka si bashkëfajtor dhe bashkëvuajtës./  S,M

Të fundit

Rikthim në histori, kur gjenerali gjerman u dha 28 minuta kohë serbëve në Morinë

Ky person që shihni në foto është gjenerali i shquar gjerman, Helmut Harff. Në qershor 1999, ai komandoi trupat...

Bayern blen me frikë, kur klubi më i madh në Gjermani heq dorë nga filozofia

Tipari që karakterizon Bayern në vitet e fundit është vetëm një: blerjet e panikut. Klubi bavarez po përsërit të njëjtat gabime. Një sulmues gjerman, mbiemri...

Sa u rritën pensionet në 1 vit? Dalin shifrat zyrtare

Shqipëria numëron në total 721,398 pensionistë nga këto 604 mijë janë pleqërie urbane dhe rurale. Pensioni mesatar në vend sipas këtij raporti u rrit...

“E neveritshme dhe e turpshme”, kryeministri del kundër BE për Paradën e Krenarisë

Kryeministri hungarez, Viktor Orban e ka quajtur Paradën e Krenarisë të mbajtur të shtunën në Budapest si “të neveritshme dhe të turpshme”, duke e...

Ndalohet pirja e duhanit në plazh e parqe, gjobë deri në 700 euro

Të gjithë ata që jetojnë në Francë dhe janë duhanpirës, duhet të mendohen mirë tani nëse pijnë cigare në plazh ose në parqe, pasi...

Lajme të tjera

Web TV