Pesëdhjetë destinacione janë përfshirë në renditjen e përvitshme “Best in Travel” të destinacioneve tendencë për vitin 2024, të ndara në pesë kategori – të qëndrueshme, vlerë, qytete, shtete dhe rajone, me rastin e 50-vjetorit të Lonely Planet.
Në krye të kategorisë “të qëndrueshme”, përpjekjet e Spanjës në fushën e energjive të rinovueshme dhe projektet për rivitalizimin e Patagonisë mund t’ju nxisin për udhëtime ekologjike.
Ndërkohë, Midwest, në Shtetet e Bashkuara, kryesojnë klasifikimin në kategorinë e “vlerës” më të mirë, ku “magazinat e vjetra janë shndërruar në studio arti, hotele të reja eco-design dhe shumë restorante me yje Michelin”, ndjekur nga një prej vendeve më ekonomike në Europë, Polonia, dhe nga Nikaragua në Amerikën Qendrore.
Edhe trenat europianë të natës janë vënë në dukje për rrjetin e tyre të udhëtimit me ndikim të ulët në mjedis.
Në renditjen e “qyteteve”, vëmendja fokusohet te kryeqyteti i Kenias, Najrobi; Parisi, i cili po përgatitet për të mirëpritur Lojërat Olimpike 2024 dhe Xhakarta në Indonezi.
Vendi më i mirë për të udhëtuar është Mongolia, së bashku me Kilin dhe Kroacinë.
Në lidhje me kategorinë e “rajoneve” më të mira, Lonely Planet rekomandon rrugën e çiklizmit Trans Dinarike në Ballkanin Perëndimor, e cila do të hapet në vitin 2024 dhe ishullin Kangaroo “të botës tjetër” të Australisë Jugore.
“Zgjedhjet tona të këtij viti synojnë të frymëzojnë dhe ndjekin instinktet e udhëtarit të vitit 2024”, – deklaroi Nitya Chambers, drejtues në Lonely Planet.
‘Best in Travel’ është zemra dhe shpirti i frymëzimit të udhëtimit të Lonely Planet, që i përgjigjet entuziazmit të udhëtarëve që duan të zbulojnë botën, në një mënyrë autentike, e udhëhequr nga guidat lokale dhe me vlera të qëndrueshme në thelb.
“Me pamje të reja për destinacionet ikonë dhe 50 ide të reja në pesë kategori, ne jemi të sigurt se Best in Travel hap një vit me aventura të jashtëzakonshme.”
“Këto sugjerime dhe 50 ide të reja të ndara në pesë kategori, jemi të sigurt se ‘Best in Travel’ do të hapë një vit me aventura të jashtëzakonshme”.
Renditja e Lonely Planet për vitin 2024, e ndarë në pesë kategori
E qëndrueshme
Spanjë
Patagonia, Argjentinë dhe Kili
Greenland
Wales Trails
The Portuguese Way, Caminho Portgues de Santiago
Palau
Hokkaido, Japoni
Ekuador
Shtigjet Baltike të Estonisë, Letonisë dhe Lituanisë
Eco Lodges, Afrikë e Jugut
Vlerë
The Midwest, SHBA
Poloni
Nikaragua
Danube Limes, Bullgaria dhe Rumania
Normandi, Francë
Egjipt
Ikaria, Greqi
Algjeri
Liqenet Jugore dhe Otago Qendrore, Zelandë e Re
Trenat e natës në Europë
Qytete
Najrobi, Kenia
Paris, Francë
Montreal, Kanada
Mostar, Bosnjë
Filadelphia, SHBA
Manaus, Brazil
Xhakarta, Indonezi
Pragë, Republika Çeke
Izmir, Turqi
Kansas City, Missuri
Shtete
Mongoli
Indi
Morok
Kili
Benin
Meksikë
Uzbekistan
Pakistan
Kroaci
St. Lucia
Rajone
Ballkani Perëndimor, Trans Dinarica Cycling Route
Ishulli Kangaroo, Australi e Jugut
Toskana, Itali
Donegal, Irlandë
Pais Vasco, Spanjë
Tajlanda Jugore
Swahili Coast, Tanzani
Montana, SHBA
Saafelden Leogang, Austri
Far North Skoci
( S.M )
