Kreu i Partisë së Lirisë, Ilir Meta është shfaqur këtë të martë në një konferencë për mediat nga selia e Partisë së Lirisë në Tiranë, ku ka denoncuar zhvillimet e fundit politike në vend dhe ato që ai i quan plane korruptive të qeverisë socialiste.
Ai është pyetur nga gazetarët nëse ka një fletë-thirrje nga Prokuroria e Posaçme e SPAK, pasi prej ditësh po qarkullon një lajm i tillë.
Meta këto lajme i ka qujatur banale, teksa tha se ai ka qenë në SPAK dhe do të shkojë gjithmonë pasi nuk ka shkelur asnjëherë ligjin.
“Këto janë lajme tërësisht banale. Pse janë banale? Sepse janë të gjitha pa përmbajte dhe pa materie. Tema të lodhura dhe nuk përbën lajm që Ilir Meta të shkoj në SPAK, sepse unë kam qenë gjithmonë.
Kam qenë në SPAK si kallëzues me fakte e me letra. Shumë prej cështjeve nuk janë hapur. Do shkoj sa herë të më thërrasin sepse nuk kam asnjë shqetësim.
Nuk ka asnjë akt të nënshkruar nga Ilir Meta fët e fët, cdo gë ka qenë në mbrojtje të Kushtetutës”, tha Meta./ S.M
