Ish-kandidati për kryetar të Partisë Demokratike, Ibsen Elezi komentoi sherrin e deputetëve në seancën e djeshme në Parlament.
Ai tha se në Kuvend ka kohë që ka degraduar debati dhe për këtë janë përgjegjëse të gjitha palët. Ai shtoi se opozita sot nuk ka kredo politike dhe as besim tek qytetarët në lidhje me aksionet që ata marrin.
Sipas tij, detyra e deputetëve është të përplasin idetë për ligjet, por jo të tregojnë muskujt para shqiptarëve dhe të krijojnë skena dhune.
Sipas Elezit, opozita e ka emergjente t’u tregojë mbështetësve se si dilet nga rrethi vicioz ku kanë përfunduar dhe të heqin dorë nga akte që prodhojnë sherrnajë.
“Ky lloj debati në parlament ka degraduar me kohë. Debati I fokusuar tek ligji po humbet me kohën. Opozita në atë që thotë nuk besoj se ka mbet njeri që i beson, sepse edhe ato nuk I besojnë fjalët e veta. Nuk kanë kredo politike. Nuk kanë çfarë bëjnë. T’u tregojnë demokratëve se si do dalin nga ky rreth vicioz.
I veprimeve të tyre të pakuptimta. Të dalësh edhe të mendosh se aksioni opozitar degradon në një sherr në Kuvend, kjo është e turpshme për opozitën”, tha ai./ S.M
