Lorenz Faucett, personi i dytë që mori transplantin e zemrës së derrit, vdiq më pak se gjashtë javë pas këtij operacioni eksperimental, njoftuan mjekët e tij në shtetin amerikan të Maryland.
Faucett, 58 vjeç, vuante nga zemra dhe nuk konsiderohej një kandidat i mirë për një transplant tradicional të zemrës, kështu që më 20 shtator ai mori një zemër derri të modifikuar gjenetikisht.
Sipas Universitetit të Mjekësisë në Maryland, në muajin e parë zemra dukej e shëndetshme, por në ditët e fundit u vërejtën shenja të refuzimit të organit të transplantuar. Faucet vdiq të hënën, raporton AP.
Ndërsa, vitin e kaluar, një ekip nga Maryland kreu transplantin e parë të zemrës në botë nga një derr i modifikuar gjenetikisht në një njeri që po vdiste, David Bennett. Ky i fundit mbijetoi vetëm dy muaj./I.S
