Komisioni i Pavarur i Kualifikimit ka shkarkuar nga detyra gjyqtaren e Gjykatës së Tiranës, Blerina Muço.
Vendimi për shkarkimin e Muços u mor këtë të mërkurë me shumicë votash.
Shkak për shkarkimin e saj u bënë shifrat e mëdha të parave në llogarinë e saj bankare.
Në momentin kur u dha vendimi për shkarkimin nga detyra të saj, ish-gjyqtarja nuk ishte e pranishme.
Në seancën dëgjimore që u zhvillua disa ditë më parë, KPK njoftoi se i kishte kaluar Muços barrë prove mbi një pamundësi financiare në masën 10.9 milionë lekë për krijimin e cashit në llogari rrjedhëse dhe atij në banesë, si dhe për mbulimin e shpenzimeve. Bilanci negativ, nga sa u relatua në seancë, rrjedh nga mungesa e vërtetimit të ligjshmërisë së një pjese të të ardhurave të bashkëshortit të subjektit nga konsulencat juridike dhe punësimi në disa kompani.
Muço e kundërshtoi gjetjen e KPK-së dhe tha se ajo binte në kundërshtim me jurisprudencën e Kolegjit.
Procesi i vetingut për gjytaren Muço u krye nga trupa e KPK e kryesuar nga Pamela Qirko, relator Roland Ilian dhe anëtare Brunilda Bekteshin./I.S
