Një i ri është shoqëruar nga efektivët pasi alarmoi Policinë e Shtetit me lëvizjet e dyshimta para Kuvendit të Shqipërisë.
Prej rreth 30 minutash ai ka lëvizur në mënyrë të dyshimtë në hyrje të Parlamentit.
“Kam punë me doktorin”, dëgjohej duke thënë teksa fliste në telefon. Ai ishte i veshur me të zeza, ndërsa mbante kapuç në kokë dhe një çantë të zezë.
Në një moment, i riu shihet teksa nxjerr nga çanta një pistoletë çakmak dhe ndez cigaren.
Policia e Shtetit u lajmërua nga shërbimet e Kuvendit dhe shkuan në vendngjarje për verifikimin e personit. Pasi i riu nxorri pistoletën çakmak, efektivët e shoqëruan./ S.M
