Qeveria qendrore ka vendosur të mbështesë me më shumë fonde bashkitë.Në projektbuxhetin e vitit të ardhshëm parashikohet që për pushtetin vendor në formën e transfertave të kalojnë 36.5 miliarde leke nga e cila transferta e pakushtëzuar për vitin 2024, është 24.3 miliardë lekë 10.7 miliardë lekë transfertë sektoriale për funksionet e reja, si dhe 1.5 miliardë lekë për rritjen e pagave.
Bashkitë e mëdha marin edhe fondet më të larta nga buxheti i shtetit ku kryeson Tirana e ndjekur nga Durrësi Elbasani e Shkodra. Formula e ndarjes së transfertës së pakushtëzuar përcaktohet në bazë të nevojave për shpenzime të bashkive duke u bazuar tek popullsia si dhe numri i fëmijëve në kopshte dhe nxënësve në shkollat 9-vjeçare dhe të mesme në çdo bashki.
Sipas relacionit kryeqyteti do të përfitojë 5.2 mld lekë vitin e ardhshëm, ndjekur nga Durrësi me 2 mld dhe Shkodra me 1.4 mld lekë.
Ndërkohë më pak para do të marrin bashkitë Konispol, Libohove dhe Pustec, përkatëisht 136, 105 dhe 89 milione lekë.
Shpenzimet e buxhetit vendor për vitin 2024, janë parashikuar në masën 71.1 miliardë lekë, me një rritje prej 10.4% në raport me buxhetin e vitit 2023.
Shpenzimet do të fokusohen kryesisht në rritjen e pagave në arsimin parashkollor, shërbimi i mbrojtjes nga zjarri, administrimi i pyjeve si dhe ujitja dhe kullimi./I.S
