Bota në luftë/ Shqipëria “hap” thesin për blerje armatimesh, 48.3 mld lekë në 2024

113 563 lexime

124,178FansaPëlqeje

Shqipëria planifikon të rrisë financimet në fushën e mbrojtjes në buxhetin e vitit 2024. Nga 40.2 miliardë lekë që përmbante buxheti për vitin 2023, për vitin e ardhshëm shpenzimet për mbrojtjen janë rritur me 8.1 miliardë lekë, duke shkuar në nivelin e 48.3 miliardë lekë, ose 460 milionë euro.

Nga gjithë totali i buxhetit të vitit 2024, ministria e Mbrojtjes pritet të marrë për herë të parë 2% të tij, duke plotësuar në këtë mënyrë kriterin e NATO-s ku vendi ynë bën pjesë prej prillit 2009. Nga të gjithë sektorët brenda kësaj ministrie, rritje domethënëse e shpenzimeve është planifikuar tek forcat e luftimit, të cilat do të marrin 24.9 miliardë lekë, nga 18.2 miliardë të investuara në vitin 2023.

Rritje ka edhe tek mbështetja e luftimit me 8 miliardë lekë, nga 7.6 miliardë të akorduara në 2023-shin. Fatkeqësitë natyre dhe mbështetja për emergjencat civile është parë e udhës të ketë po ashtu rritje për vitin që vjen. Tek forca e luftimit, është planifikuar që të investohet në armatim të lehtë, municione, makineri dhe pajisje në vlerë 4.7 miliardë lekë, me parashikim rritje edhe për vitet 2025 dhe 2026, përkatësisht në vlerat 5.7 dhe 5.2 miliardë lekë.

Edhe për këtë vit ministria e Mbrojtjes planifikon të investojë për dronë pa pilotë UAV, teksa do të shpenzohen 2.2 miliardë lekë, siç është parashikuar edhe në investime për hangarin e tyre për qëndrim dhe testim, deri në 180 milionë lekë. Viti që po lëmë pas e bënë Shqipërinë vendin anëtar të NATO-s që ka shpenzuar më pak për sektorin e mbrojtjes, referuar të dhënave të vetë aleancës, 9100 lekë për frymë, teksa fqinjët e Malit të Zi e kanë 14700 lekë dhe Maqedonia e Veriut me 11100 lekë për frymë, duke mos pasur asnjë krahasim me vendet më të mëdha që janë pjesë e NATO-s, si Gjermania dhe Franca, përkatësisht, 66000 lekë dhe 72000 lekë. Pas fillimit të luftës në Ukrainë, aleanca e atlantikut të veriut ka njoftuar rritjen e shpenzimeve për mbrojtjen nga të gjitha vendet anëtare./e.t

Të fundit

“Fansja ime numër një”, Sokol Balla poston foton e vajzës që e ndjek nga ekrani

Gazetari i njohur, Sokol Balla ka ndarë me ndjekësit e tij një moment tejet të veçantë. Në rrjetet e tij...

Shenjat më të zakonshme në trupin tuaj që tregojnë se po përjetoni stres

Ritmi i shpejtë dhe detyrimet e shumta në përditshmërinë e njerëzve rezultojnë në ankth dhe stres intensiv. Shpesh, stresi mund të trokasë në derën tonë...

Video/ Si rrallëherë mami i Xhensila Myrtezajt ngjitet në skenë dhe këndon me të bijën

Xhensila Myrtezajn e kemi parë me qindra herë në skenë, por si këtë radhë asnjëherë! Këngëtarja ka marrë për herë të parë suprizën më...

F1/ Tek Ferrari duken të dorëzuar, Vasseur: “McLaren nuk kapet, në Bahrain për podium”

Formula 1 nuk njeh pushim, teksa Botërori 2025 këtë fundjavë zhvendoset në Bahrain për raundin e katërt. Pas provës aspak të mirë në Suzuka,...

“Mirror”: Vlora e ngjashme me Costa del Sol, por pa turma turistësh

Vlora në Shqipëri është e ngjashme me Costa del Sol të Spanjës dhe ofron mot të ngrohtë dhe pamje idilike dhe duhen pak më...

Lajme të tjera

Web TV